＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

 
呢期心情都非常之好，全因為身邊有大哥同Ｃａｎｄｙ丫嘛～！！
我地近期雖然都好忙，但大家都仍然保持住有講有笑o既關係～！！

不過Ｃａｎｄｙ就話，佢呢個樣只係〝好仔兩頭瞞〞喎．．．
或者有好多野我真係未必知道啦，因為佢唔會直接同我講嫁嘛～！！

但大哥有變的確係事實，而且佢本人亦都已經承認．．．
所以『人會變』呢個道理係絕對成立，而且我地亦要學會接受嚕～！！

佢o係我心目心，係一個極為成功o既人．．．
近期同佢接觸機會多左好多，所以對佢o既過去亦都了解多左～！！
由讀書年代至今o既佢，原來真係有過好多改變囉～！！

佢話『勤力』呢兩個字，對佢影響好深遠．．．
同佢傾計真係學到好多野，因為從佢身上真係可以領悟到好多野嚕～！！

至於今日，大哥竟然主動約我陪佢食飯．．．
當時o既我的確係感到好愕然，但同時亦都覺得好開心喎～！！

雖然宜家好似同佢拉近左距離咁．．．
但係我個心始終覺得，我同大哥之間係仲有一大段好長o既距離嚕～？！
因為層次同知識層面上o既唔同，原來分別真係好大嫁～！！

另一方面．．．
除左同大哥關係好之外，當然亦唔少得Ｃａｎｄｙ啦～！！
不過呢排佢就要忙住替假，所以我地可以傾到計o既時間亦少左囉～！！

大哥o既出現，真係令我想自己o既人生要有所改變．．．
雖然我都知道自己唔可能好似佢咁成功，但我都想盡力去改變自己～！！

或者我真係開始相信，有ｄ野係天生唔可能改變．．．
但係有ｄ野係靠後天努力，命運同前面o既路係可以靠自己去改變～！！

自從有左呢個大哥之後，對我的確係有一個正面影響嚕．．．
同時間o既我就諗起阿大，因為我好希望可以將阿大培訓成才唷～！！

回心一諗．．．其實大哥好多地方都同阿大有共通點～！！
所以我今晚就打過俾阿大，同佢講下近日生活裡面o既得著嚕～！！

因為出自我旗下o既四個之中，阿大同大哥o既特點最似～！！
所以我深信．．．既然大哥可以咁成功，阿大都同樣可以做到嫁～！！