＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

 
剛剛過去o既呢個星期，我o既心情終於稍有改善．．．
返工做野辛苦都唔係一個大問題，最怕就係是非令我反感～！！

至於由上周三開始，我同大哥都好開心喎．．．
因為我地好少機會咁樣玩下，而且又可以坐低傾左咁耐計～！！

先提及返星期三先啦．．．
上半日係開會時間，呢部份就完全係得出無謂兩個字～！！
因為開會期間o既氣氛原本都好好地，不過後半場就搞到大哥好嬲～！！

大哥嬲起上來，咪發火將班人逐樣係咁噴囉．．．
而且o係會上，我上司同大哥仲承認我o既工作量係全部門之冠呀～！！

我除左有自己o既野要做之外，宜家邊個位唔夠人就由我代～！！
我已經一個人做緊幾個位嫁喇，而且仲要處理埋大哥俾我做o既野呢～！！

之後到左下午時間，我地大哥都有玩左一陣啦．．．
不過我就從Ｃａｎｄｙ口中聽到，話大哥呢期心情好差喎～！！＝．＝”

至於星期四，我又有機會同大哥玩喇．．．
我俾左張明星相佢睇兼講左ｄ野，點知佢就話對我部手機有興趣多ｄ喎～！！

由於我近日接二連三咁幫佢解決問題，所以佢又走埋來讚下我啦．．．
不過佢稍後時間就開始勁放假，搞到我都不得不開口詐下型啦～！！＞＜”

由唔認識到合作無間．．．
我同佢已經俾公司班同事定為兩兄弟，重要係我倆o既關係亦幾好～！！
咁當然．．．除左我地兩兄弟之外，仲有Ｃａｎｄｙ呢位輔導員啦～！！

好多時候，當我地有問題同困擾都會搵Ｃａｎｄｙ傾或幫忙．．．
至於星期五呢日，我就入左大哥房同佢傾左一段時間私人野喎～！！

而事前當我去其他部門做完野後，就去ＯＰＤ搵Ｃａｎｄｙ講左一陣．．．
我原本諗住同佢傾兩句，而且同佢呻下我又開始訓唔到覺喇～！？＞＜

點知．．．佢話大哥都係咁，而且仲問我點解我地兩兄弟都會咁喎～？！
從佢口中雖然知道大哥心情唔好，但佢對住我又唔似咁喎～？！

至於我手上o既野做得七七八八後，就諗住去搵阿哥傾ｄ工作上o既野啦．．．
點知一傾就傾左成粒鐘時間，而且仲傾到夠鐘收工都唔記得左添呀～？！

原本我今日係返早收早，但係最終都冇早收啦．．．
不過o係今次同佢傾完計之後，對呢個阿哥o既了解又多左囉～！！

除左講到工作上o既野之外，我地仲講左好多其他事．．．
其中包括佢o既生活、興趣、去處、感情、讀書時代及做人處事等問題～！！

佢宜家雖然係有錢仔一名，但佢就唔係『物質主義』類型囉．．．
而佢最喜歡o既野就係搵好野食同埋去旅行，呢兩樣開支先係最大～！！

同時又傾到佢平日o既生活．．．
佢真係喜歡玩o既野唔多，甚至連喜歡去o既地方亦有所特別嫁～！！

平日繁忙o既工作，令佢放工後唔多喜歡再對住部電腦～！！
至於佢比較會常去o既地方，就係ｄ比較偏僻同較寧靜o既地方啦～！！

另一方面．．．又俾我發現到佢原來係一個好百搭o既人喎～！！
不論係佢o係讀書；興趣，甚至到工作．．．佢好多野都係識嫁～！！
同時呢個亦係佢做人o既特點，因為佢認為咁樣先可以搵到更多機會～！！

一個讀過晒文；理；商科o既人，學識上的確有返咁上下．．．
而且佢o既生活同家庭環境，相信對佢亦有住唔少o既影響囉～！！

佢o係我同Ｃａｎｄｙ心目中，都係一個叻仔．．．
因為我地真係覺得佢好能幹同有衝勁；所以我地先會咁維護佢～！！

另外．．．
除左了解到佢家庭之外，就連感情生活我地亦有談及～！！
佢o係外國讀大學o個陣，曾經同佢當時o既女朋友同過居添呀～！！

不過呢段感情維繫左五年，最終都因為大家睇o既野唔同而分開．．．
就住呢一部份，我地亦從愛情而引申出其他可談及性o既問題～！！

兩人o既相處，以及大家所要求o既野．．．
生活上o既細節；學識上o既層次．．．都會影響彼此間o既步伐～！！

大哥明顯係一個好有要求；而且步伐亦係好快o既人．．．
所以佢暫時都習慣單身o既生活，而且暫未有再拍拖o既念頭嚕～！！

別人眼中o既佢，可以話係一個條件甚為優秀o既人．．．
不過問到佢覺得自己究竟有咩缺點之時，佢就聲稱佢並唔係咁完美～！？

有呢次機會可以同佢傾到咁多野，的確有唔少得著．．．
因為除左可以進一步了解佢之外，另外亦從佢身上得到一ｄ意外收穫嚕～！！

人o既一生，本身就係要不斷學習；面對不斷o既改變同挑戰．．．
當你遇上唔同o既經歷；唔同o既人．．．都會令你有所唔同～！！

而近年．．．有三個人對我o既影響真係好大～！！
經過左咁多事情之後，如今o既三甲已經唔再係從前o既人喇～！！
 
愛在記憶中找你

我對你  這一生  哪個可比
我與你  差一些  永遠一起
邂逅時間場地  似連場好戲
要自何頁說起 Wow Ho

愛太重  深呼吸  欠缺空氣
愛太美輕輕的  卻載不起
愛情來到時候  似明媚天氣
它走了  突然驟變雪落雨飛

*如果可以恨你  全力痛恨你
連遇上亦要躲避
無非想放下你  還是掛念你
誰又會及我傷悲
前事最怕有人提起  就算怎麼伸盡手臂
我們亦有一些距離*

你太遠  該怎麼  說對不起
你太近  一轉身  卻已高飛
快樂也許太短  似場流星雨
一眨眼  就如幻覺怕又記起

REPEAT**

我情願我狠心憎你 我還在記憶中找你