＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

 
今日係情人節，不過呢個節日暫時對我來講係冇咩意思嫁～！！
至於新年假完左之後，我就陸續有好多飯局出現喇～！！

前排先後同肥舅父，Ｔｒａｃｙ，妖人約過食飯．．．
難得約到出來見下面，當然就乜都會講下嫁啦～！！

講下大家o既生活同工作，又談及起好多經歷左o既事．．．
雖然時間唔係好長，但係自己都會覺得開心同滿足嚕～！！！

忙於工作同生活，已經係我地o既習慣喇．．．
最大o既希望，就係今年可以過得開心同埋身體健康唷～！！
雖然呢兩樣野都好似冇乜特別，但要實際得到都未必係易事呀～！！

另一方面．．．
我就梗係希望今年可以多ｄ時間搞下家族活動啦～？！
話晒大家宜家都係聚少離多，希望可以藉住搞活動俾大家聚一聚啦～！！

至於早前同舅父傾到．．．同事係唔可能成為朋友呢個話題～！！
無疑．．．我越來越認同呢句說話，甚至開始對人變得唔信任～？！
我自己都可以理解到，忽然變到有呢種諗法的確係好負面嚕～！！

不過經歷左一件又一件事之後，最終我開始明白呢個道理～！！
當一個人涉及到利益衝突o既時候，朋友都可以即刻變做敵人囉～！！
立場上或者身份上o既改變，可能就係呢ｄ情況出現o既成因～！！

從前我都覺得身邊o既同事冇咩野，不過近期就開始出現改變．．．
我同我老細o既合作關係，或者會係佢地誤會我o既直接主因嚕～！！
至於宜家o係公司入面，我最能夠信o既就只有Ｃａｎｄｙ一個咋～！！

另外同Ｔｒａｃｙ又講到以前經歷過o既事啦．．．
佢問到我新年間阿二有冇搵過我，不過答案就梗係唔駛問都知啦～？！
或者人生就係咁嫁喇．．．離離合合都係一件好平常o既事～！！

佢o既一切只會成為回憶，同時所有野亦都已成過去．．．
或者繼阿二呢一件事之後，我真係學識左咩叫係時候放低啦～？！

問心啦．．．阿二今次咁o既表現，我有o既就只係失望囉～！！
至於講到我有冇嬲佢呢個問題，我可以肯定話係完全冇嬲過囉～？！

面對呢種事仍然可以變得咁冷靜，或者真係完全唔似我～？！
不過．．．既然我早就預左佢會咁o既話，咁我嬲又有何用呢～？！
再者，我亦都已經唔係第一次去面對呢類問題啦～！！

至於阿大方面．．．
佢經常要忙於佢o既補習同考試，我根本就冇時間同佢見面～！！
就算期間發生左咁多事都好，我地始終冇時間可以好好咁去詳談嚕～！！

我好清楚呢個仔o既脾性．．．
佢永遠都會覺得考試大過天，因為前途的確係好重要嚕～！！
理性上我可以明白佢，同時亦都知道就算出聲都係冇用嚕～！！

佢著緊o既野的確係重要，我亦好清楚佢係要咁做．．．
不過情感上o既我，唔一定係佢覺得我咁理性去接受呢個理由～？！

至於佢講過o既一句『反思』，我地都的確好認同嚕～！！
係佢令我明白今次阿二件事，我地都係有需要去學習o既事嚕～！！

無疑．．．我地都好應該去反思一下自己o既所有．．．
不論係所得；所失；所要追求o既．．．我地都應該諗一諗～！！
究竟o係我地o既人生之中，直到宜家有幾多野係理所當然囉～？！

都係一句老說話啦．．．經一事，長一智～！！
無論係邊一個人都好，呢樣野的確係我地人生中需要學習o既野～！！

另一方面．．．
今早約左Ｃａｎｄｙ去飲茶，同時都傾左好多事情啦～！！
全公司之中．．．佢真係最理性，而且又係一個最明白我o既人～！！

公司所出現o既各種問題，我地都提及到．．．
由佢身上我除左搵到答案之外，同時亦學識唔少o既道理囉～！！
佢清楚知道我有好多煩惱同唔開心，所以我地就約左出來傾下嚕～！！

人始終係會變，因為人冇永遠係忠或永遠係奸．．．
回心一想．．．好多野我都唔想佢變，但事實上的確係變左～！！
至於人係咪可以相信，呢一刻o既我真唔識得答自己呀～？？

每日都要處理咁多事，我唔可能完全討好身邊每個人．．．
我只求做好自己o既本份，對得住自己同件事或者就已經算喇～！？
  
傻小子

遇過太多人  很吸引  偏偏不相襯
沒惻隱心  摧毀以往的愛恨
常令我 被稱作壞人

負過太多人  今天我
變了受害人
用虔誠來待你 任旁人來揭秘
形象太錯太壞 怎可愛得起

傻小子 妄想找到優美開始
要你看穿這心意  卻跌一跤很諷刺
來又去  仍是不可篡改天意
只可領受報應 被你進攻流血不止
傻小子 最終剩低只有羞恥
看見你走不得已  要挽你手卻太遲
緩慢腳步  掩飾不到我心事
當一切沒有意義 埋藏著我所有往事
再次面試

像我這種人  終於也
變了受害人
用虔誠來待你 任旁人來揭秘
形象太錯太壞 怎可愛得起

傻小子 妄想找到優美開始
要你看穿這心意  卻跌一跤很諷刺

來又去  仍是不可篡改天意
只可領受報應 被你進攻流血不止

傻小子 最終剩低只有羞恥
看見你走不得已  要挽你手卻太遲
沉殿過後   悲傷始終化不掉 
即使靠面試治療  難忘是你當天心跳 
我已累了