＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

一連放左幾日假，心情都放鬆左唔少．．．
至於今日下午時間，我就要返去公司到做ｉｎｔｅｒｖｉｅｗ嚕～！！

呢次可以話係一個經驗，不過就死得好慘囉．．．
由於事前已經知道自己唔得，再者加埋ｉｎ前做o既ｔｅｓｔ呢～！！
出現咁樣o既結果，只好令自己更加地放棄去諗升職囉～！！＞＜”

事關ｉｎ之前，就要做個ｔｅｓｔ喎．．．
點知呢兩份卷所出o既問題，我都竟然唔知道要點做囉～！！
嘩～當時自己已經灰晒，但期後都叫做肯試下去睇同做ｄ問題啦～！！

最終o係限時之內，我都係唔知自己做左ｄ咩囉～！！＞＜”
期後就到左面試部份，而負責坐房o既就係我老細同另外兩個人～！！

唔知點解．．．個心忽然有種好緊張o既感覺～！！
但另一方面又覺得自己已經唔識驚，或者係因為同份卷有關啦～！！
唉唉～既然諗住今次都冇望囉，咁所以就諗住可以輕鬆ｄ面對嚕～！！＞＜”

佢問我ｄ問題，唔可以話係難嫁．．．
但係我都唔知道自己點解會咁答，或者係因為心態問題卦～？！
係因為我知道自己一定唔得，定係我根本唔打算離開宜家個部門呢～？！

我就全程都好輕鬆咁去面對，而且仲冇自己之前預計咁驚添～！！
期後，我就即時打俾Ｃａｎｄｙ同佢講左一輪呢次面試o既情況俾佢知～！！

點知．．．一個預期會出現o既局面，好快就出現喇～！！
今日o既表現，我知道o係我老細眼中係好差；亦唔係佢所預期o既～！！
不過就連我事後問返自己，我都唔識點樣去形容我o既心情～！！

後來我又同Ｃａｎｄｙ傾左一排，先明白老細究竟要想o既係咩～？！
正如Ｃａｎｄｙ所講，可能係因為我地o既立場；心態同要求都唔同啦～！！
而Ｃａｎｄｙ佢亦都好明白我個心諗乜，我根本就唔打算因為升職而走～！！

我都預左放完假返去之後，老細會捉我去鬧嫁喇．．．
不過我點都估唔到個結果會咁快出現，仲要係佢親自打來添囉～！！＞３＜
識左佢咁耐，我都未正式咁樣俾佢親自搵我來鬧，而且仲鬧得咁金嫁～！！

我明白佢好緊張我，但係我都唔知件事會搞成咁嫁～！！＞＜”
事後再同Ｃａｎｄｙ通電，我諗我可以理解同明白老細o既立場嚕～！！

好多野唔發生都已經發生左，甚至已經冇辦法補救．．．
但係我地大家都明白，今日所發生o既事並唔係三言兩語可以解釋囉～！！

公司裡面， 雖然好多同事對我都唔錯；好錫自己．．．
不過講到對我最具影響力o既人，都非大哥同Ｃａｎｄｙ莫屬喇～！！

佢地同我講o既野，我都會好上心囉．．．
甚至佢地所有o既言行同心情，都會直接到影響埋我嚕～！！
我諗只有一句話可以講．．．”因為有情，所以在乎”囉～！！

佢地對我就好似係自己家人咁，呢種感覺係我從未有過嫁～！！
而佢地對我o既影響真係好深，因為佢地幫左同教左我好多好多野～！！

每次我有困難同唔開心，我都會同Ｃａｎｄｙ傾或者商量～！！
我有事要人出手幫忙，佢次次都會好落力咁幫我解決面前o既問題～！！

至於大哥．．．我諗自己真係當佢好似自己親大哥看待～！！
所以我先會咁努力幫佢做事，甚至對自己交俾佢o既野要求好高～！！

我知道佢個角色好忙，同埋已經有好多野要煩．．．
而我可以做到o既，就係努力做好自己本份；唔駛佢擔心同煩～！！
盡我o既能力去幫佢解決事宜，盡量減輕佢o既負擔嚕～！！

之前同Ｃａｎｄｙ都傾過呢個問題．．．
我地三個之間所存在o既，已經唔單只係普通同事o既關係喇～！！
或者．．．我地呢種關係同相處方法，真係已經出左軌啦～！！＞＜”

會為彼此而煩惱；會為彼此而擔心．．．
想o既．．．就只係想見到（我地）每日都過得開心呀～！！
而身負做輔導呢個角色o既，正正就係Ｃａｎｄｙ囉～！！

佢好識得去開解我地兩兄弟，甚至可以令我地自己知道想要乜～？！
一個好o既聆聽者同輔導員，對我地o既幫助真係好大囉～！！

當然，我都知道佢地兩個都好錫同緊張自己．．．
我知道阿哥係一個追求成功o既人，但可惜我只係想追求平淡～！！

未來會發生o既事，我地都冇辦法可以預計．．．
而我的確係好在意佢地兩個，因為我唔想失去佢地呀～！！＞＜