星期一已經收到Ｃａｎｄｙ電話，話約我今晚（２８／１１）食飯～！！
我起初都唔知點解佢會約我，但我個心都覺得開心嚕～！！
話晒佢係我o係公司裡面，一個最傾得到心事o既人．．．
不過佢今次約我，原因係要還返我早前請佢食左o既一餐飯囉～！！
另一方面，我都知道佢近期都聽埋聽埋好多野嫁喇．．．
同時o係近呢段時間，我又忽然間成個都變得好煩惱同唔開心呀～！！
而呢餐飯o既意義，同時亦因為咁而改變喇．．．
佢除左聽到唔少是非之外，另外都聽同事講到我近日變得好頹～！！
所以佢亦趁住呢個機會，去同我傾計兼去開解下我囉～！！
為左公事而煩，為左人事關係改變而覺得唔開心．．．
呢個問題我早前已經同阿大呻過，但呢種不安o既感覺始終存在～！！
而且之前Ｃａｎｄｙ同我講過o既野，呢排又不斷出現o係我腦入面嚕～！！
同事之間．．．可能會有朋友，但係就肯定唔會係真心朋友囉～！！
始終同事間會存在住利益衝突，或者就係呢個原因而好難做到交心啦～？！
冇永遠o既朋友；冇永遠o既敵人．．．
到底．．．宜家我身處o既角色，同佢地o既關係又係點呢～？！
我開始覺得．．．同佢地o既關係已經唔同左，大家已經變得疏離左～！！
而我一直想要o既，就只係一種簡單同開心o既生活方式～！！
我唔想因為ｄ乜野而改變，甚至破壞左我地大家之間o既關係嚕～！！
老細又唔想流失；同事又唔可以得失．．．
好難先可以得到宜家有o既局面，但係呢個正正就係問題喇～！！
一班夾得埋o既同事難求，一個同自己夾到o既老細亦好難得～！！
同Ｃａｎｄｙ傾左成晚，似乎係有ｄ得著．．．
就連佢都覺得，我地呢個『鐵三角』關係似乎已經出左軌嚕～？！
因為我地都好受大家o既影響，甚至已經習慣左大家存在於自己生活～！！
居安思危．．．呢個亦係另一個問題啦～！！
老細話我地部門好快會開位升人，但係我又有好多野要憂慮囉～！？
宜家已經好多野都改變左，亦不比以前咁簡單同開心．．．
我唔想再為左一個新問題而再改變ｄ咩，甚至比宜家變得更糟呀～！！
好多內憂外患o既問題始終要考慮，或者就係呢個原因而令我卻步啦～？！
關於我應否去考o既意見就已經聽過，但我個心仍然好亂呀～！！
如果．．．我揀左退一步係可以失去更少，咁我寧願咁做嚕～！！
面對唔同o既人，始終心態都會唔同．．．
如果我只係想保持返開心同大家o既關係，咁我應該點做呀～？？
距離
記憶 很重 已沒法對抗殘局
也許 解脫心結後 能卸去那包伏
同樣 感覺 仍然仍沒法擺脫心理上的重
如困局 任由道理歪曲
如若在這距離 觀看就可以 避過傷害
縱然放開 熱情未改
起碼永遠會帶著厚愛 如已經相愛
若得到了你 未必可銘記
在最終也會捨棄
就算心愛你 情願可儲起
想走更遠應該留下距離
得到過你 亦可失去你
但至少這個關係無人能媲美
如換個方式獻技 或者可更優美
愛情遊戲 沒法捉緊似空氣
無謂戀愛 破壞雙方的承諾
至少 感覺改變後 誰會介意收穫
誰又 知道 原來留下這距離 可記住感覺與歡樂
未來就算一起 難逃冷漠
若得到了你 未必可銘記
在最終也會捨棄
就算心愛你 情願可儲起
想走更遠應該留下距離
得到過你 亦可失去你
但至少這個關係無人能媲美
如換個方式獻技 或者可更優美
愛情像戲 無謂花光了心機
得到了你 未必可銘記
在最終也會捨棄
就算心愛你 情願可儲起
這種愛 永沒限期活著不死
得到過你 亦可失去你
但至少這個關係無人能媲美
如換個方式獻技 或者可更優美
愛情遊戲 沒法捉緊似空氣
愛情遊戲 沒法捉緊似空氣
文章定位：
人氣(33) | 回應(0)| 推薦 (
0)| 收藏 (
0)
全站分類:
不分類
