＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

話咁快０８年已經過左一半喇．．．
好快就會到自己o既生日，而今日就會搞個預祝啦～！！

正日就未到，不過今晚就會先開個派對慶祝．．．
為左今次個活動，相信最辛苦都應該非阿大莫屬嫁喇～！！

早前佢又要忙於考試，另外又要忙住搞呢個活動～！！
雖然時間上好多野都好趕，不過我都已經覺得佢好叻仔唷～！！

至於今日o既活動，都令我覺得好難忘喎．．．
原因．．．今年係首次破左最高出席人數o既紀錄呀～！！

是次出席o既人，除左我地三仔爺之外．．．
另外有妖人，大妹，三妹，阿樂，沚僑，彬彬，細佬泉，世俊，舅父仔，偉倫；阿姨兩公婆，詩嘉兩公婆，Ｔｒａｃｙ，Ｒａｙｍｏｎｄ同健仔嫁～！！

而未能出席今次活動o既人，全部都係因為有工作在身啦．．．
不過能夠出到家族上咁多掛牌人，相信都係由我創下第一次喇～！！

至於今日o既流程，其實係尋晚同今早先趕起啦～！！
不過整體o既流程上，我都算係非常滿意唷．．．
因為能夠o係咁少人手同咁急o既情況下都搞得掂，已經係好難得嫁喇～！！
當然見到佢地兩個要趕咁多野，所以我呢個做老豆o既都要出手幫拖至得～？！

而其實於日前開始，我同阿大已經有緊密聯繫嫁喇．．．
直至今日中午時間，我都希望盡量去幫佢分擔相關o既工作量唷～！！

講返轉頭．．．
今日大約５：３０ｐｍ左右，阿大就先過來接左我～！！
其後我地就搭車出市中心會合Ｒａｙｍｏｎｄ，大妹，妖人同偉倫嚕～！！

我地一邊行之際，就一路吹下水啦．．．
而偉倫去完外國返來之後，就搞到變左做一個胖小子唷～！！＝．＝“
而且佢仲因為變肥左，而搞到俾今晚出席o既家族成員笑左一排添～！！

會合左後之後，我地就一行人行過去今晚食飯間餐廳啦．．．
期間我又要不斷咁接電話，又要安排人手去處理各種問題喎～！！

大約８ｐｍ左右，好多人都接近到齊喇．．．
哈哈～呢個爆場o既場面終於出現，最終搞到我地要搬返出大廳坐喎～！！
直到９：３０ｐｍ左右，全部要到o既人終於都正式齊晒喇～！！

由於今次嘉賓人數眾多關係，所以我都理唔晒咁多位呀～！！＞＜“
不過我都不忘走來走去同佢地傾下計，同時大家又搞下爛ｇａｇ啦～！！

食到差唔多之時，我地就開始影相喇．．．
嘩嘩～呢部份就係我最愛o既部份啦，因為我終於有一張大合照喇～！！
唯一令我覺得可惜o既．．．就係家姐，二妹同四妹未能到場唷～！！＞＜“

其後，兩個仔送俾我o既野亦都正式登場喇．．．
一個勁靚o既生日蛋糕同一部錄音巴士，就係我今年o既至愛唷～！！^.^”

上年收到o既音樂相架，可以留得住個樣．．．
至於今年收到o既錄音巴士，就可以留得住佢地把聲～！！

可見呢兩年o既兩份禮物，係有其連貫性同心思囉．．．
或者正如細佬泉所講啦，兩份禮加埋之後就等於留住一個人～！！

另一方面，阿二話於稍後時間仲會有份大禮送俾我添呀～！！
正正就係呢個時間，忽然間令我覺得我自己好幸福唷～！！^.^”

有一班好朋友；又有兩個寶貝仔來陪我過今年生日．．．
影埋相；食埋蛋糕之後，我地就轉移地方去玩ｇａｍｅ喇～！！

不過由於時間關係，部份嘉賓就要先行離開喇．．．
而我地剩返o既一行人就去左對面公園玩左一輪ＭＣ－Ｋｉｌｌｅｒ啦～！！

玩到接近１ａｍ左右，我地又再影下相啦．．．
同時今年難忘又開心o既生日活動，就於此正式告一段落喇～！！