＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

今日全日都有活動，所以都比較忙啦．．．
首先中午就同兩個仔會面，隨後就轉戰高層聚會～！！

大約１ｐｍ左右，我地三父子約好o係市中心等．．．
隨後就齊齊去食晏，之後就步入今日見面o既正題喇～！！

先將家族重組o既問題同情況，做一次正式交代．．．
之後就轉傾佢地兩兄弟o既表現，並且要求佢地提出改善方案～？！
我地要傾o既內容雖然係認真，但氣氛都唔算係好嚴肅唷～！！

相信問題o既出處同所針對o既情況，佢地都好清楚．．．
連續幾年都有同佢地講到o既相關問題，但情況就未見有完全改善～？！
所以我今日就正式要求佢地諗辦法，將所有問題逐一解決～！！

就住各項議案同可能性變動，佢地都有表示唔願意．．．
另外就住我現時o既工作量問題方面，佢地都希望我可以逐步削減～！！

會談完畢之後．．．
阿二就要先行離開囉，隨後我同阿大去左買野啦～！！
我就申請左要買數部新車；而個仔就話想買返隻碟啦～！！

而阿二向我申請要走之時，我係仲未肯正式放人嫁．．．
至於o係呢段路程中，我地仲撞見細佬彬兼傾左一陣添囉～！！

同兩個仔分開之後，就會合左妖人同阿樂去大欖喇．．．
因為今日係後補Ｔｒａｃｙ之前o既生日，所以就有活動唷～！！

除左我地三個之外，另外仲有舅父同詩嘉係最早到啦．．．
所以我地就揀左打牌來打發時間，至於妖人就在旁打機兼睇下嚕～！！

夜ｄ時間，好多人都陸續到場啦．．．
其中就包括晒主角兩公婆；阿姨兩公婆，家姐及世俊啦～！！
成班人圍埋吹水；食野兼玩左一段時間，呢種感覺都幾好囉～！！

另一方面．．．今晚突然發覺姨丈夾公仔原來好勁嫁～！！
由於佢好精o既關係，所以我地就派出佢去幫我地夾左幾隻返來～？！
哈哈哈～除左阿姨有四隻外；最終我同詩嘉都各有一隻呀～！！^.^

至於世俊都好努力咁夾到一隻，隨後仲送埋俾妖人添．．．
另外今晚o既會面期間，我地各位仲o係各方面拎到部份共識啦～！！

大家都覺得呢ｄ聚會非常難得，所以大家都好珍惜．．．
對我而言，最可惜就係兩個仔今晚都未能同我一齊出席嚕～！！＞＜”

除左家族上o既各種問題之外，今晚仲提及到我新抱仔囉．．．
我地大家談後都相信，以佢o既表現同性格肯定唔會被家族接納～！？

玩到大約１１：３０ｐｍ左右．．．
我地就一齊搭車走，而且仲o係車上面玩左一輪手機來影相添呀～！！

活動我地已經有左初步共識，下步大家就計劃緊一齊去旅行～！！
至於提到下次比較大型o既聚會，相信就會落o係我生日時間喇～！！