今日放工之後過左二少屋企．．．
好耐冇去過佢o個到喇，不過感覺就仍然冇變啦～！！
由於今日我要去碼頭搵埋妖人出沙田．．．
故此我收工後就先去搵二少食晏，其後先去搵妖人～！！
大約１：２０ｐｍ左右去到二少屋企．．．
我地都傾左好多計劃，同埋近日發生左o既野呀～！！
大計方面就包括迪士尼之行，我生日及購置遊戲機～！！
我地預計於７月中至８月左右會買入一部ｗｉｉ啦．．．
另外二少仲有ｄ衫同鞋要買，近日又要計劃我即將來臨o既生日～！！
講起禮物．．．
原來我同二少都分別有唔少令自己難忘o既禮物嫁～？！
因為呢堆禮物都係來自一次又一次o既經歷，而且係有住其意義～！！
無論係大少，二少，甚至係我自己o既都好．．．
每份禮物都有住唔少回憶，以及我地之間o既心意唷～！！
而迪士尼之行，經我地一家人商討後都一致贊成啦．．．
而此行就預計２００８年左右先會成事，不過我就好期待喇～！！
見完個仔之後，我就過屯碼搭５９Ｍ出荃灣轉車入沙田．．．
此行我地都好快就完晒所有野，其後就搭車返入屯門喇～！！
而夜晚時間，我同細佬見過面啦．．．
講到阿三o既時候，大家都只有無奈同慨嘆囉～！！＞＜”
人同物都會改變．．．
佢已經變左，亦已經變得唔係我地所認識o既佢喇～！！！
今日同二少見一見之後，就講返同諗返起好多野．．．
傾到o既話題都包括左人，事同物呢三個範疇唷～！！
先講到o既係物．．．
佢間房既一切依然冇變，變o既就係佢o既成長～！！
而佢間房入面o既大部份禮物，都係由我（地）送嫁～！！
佢話．．．有個朋友去佢屋企見到ｄ野o既時候問佢．．．
究竟佢間房入面ｄ野，有幾多野唔係人地送嫁～？
哈哈～呢番說話聽左之後，我都唔知係咪應該覺得好笑～？！^.^
由佢Ｆ１開始到宜家，我送俾佢o既野的確好多．．．
到左後期o既時間，幾個兄弟同佢o既朋友又送出唔少野啦～！！
而佢就好難忘．．．
我地俾過佢一個難忘o既生日，同埋充滿好多回憶o既禮物～！！
一個相架，海賊王系列o既野都為佢帶來唔少感覺～！！
另一方面，我亦提及到一個匙扣．．．
而呢一個扣唔經唔覺已經跟左我接近有十年時間喇～！！
呢個扣o係普通人心目中可能只係一個唔值錢o既扣．．．
雖然呢份禮只係值＄５咁少，但我就好難忘喇～！！
呢個扣o既出現，係因為當時我有一個扣爛左而要補買．．．
而呢個新扣正正就係由當年o既二少幫我出錢買返來嫁～！！
一份簡單o既禮物，已經令我地存在住唔少回憶喇～！！
至於事方面．．．當然係提及到相處方面啦～！！
宜家我地一家人，凡事都會有商有量囉～！！
無論係買野又好，有活動又好．．．我地都會一齊商量～！！
而且我地又學識體諒，關心同支持．．．
或者．．．呢ｄ就係一家人要做到o既野啦～！！
人大左就唔可能好似細個咁成日一齊喇．．．
好似細佬彬同二少咁，從前都會成日一齊玩啦～！！
當然，我同二少以前亦係差唔多日日都見同講電話啦～！！
不過，宜家大家都大個晒喇．．．
呢ｄ生活只可以成為回憶，而唔可能再次出現喇～！！
講到呢到．．．我同個仔都不禁有一份慨嘆唷～！！
最後講到人呢方面啦．．．
佢地幾兄弟從前齊人時，都分別俾過好多承諾我～！！
不過．．．又有幾多可以真真正正咁兌現呢～？！
前阿五同前阿三的確俾過好多承諾我．．．
而呢堆o既說話，亦只會永遠咁成為我o既記憶囉～！！
不過最可惜o既係．．．
於所有野都未兌現前，人就已經離開左喇～！！
世俊唔多講，宜家特別係前阿三啦．．．
佢宜家終於體會到咩叫做離開左我之後，就會乜都冇晒囉～！！
大少同二少都覺得前阿三o既作為好可笑．．．
原本可以擁有o既一切，都係由自己一手將佢摧毀嚕～！！
所有野都已成定局，係佢自己一手搞到所有野都冇晒彎轉囉～！！
回憶會永遠咁埋藏o係心入面．．．
而我同大少，二少就應該展望我地美好o既未來呀～！！
文章定位：
