今日下午放工之後，又出左去行街街喇．．．
哈哈哈～不過今日全程都非常之開心同滿足喎～！！
其實未放工之前，我已經打左俾阿三嫁喇．．．
講好左大家食完晏之後，就再電聯約o係邊到等啦～？！
食完飯後，大約２ｐｍ就收到個仔來電喇．．．
隨後我地約好左o係大興路口等，就齊齊行過去良景唷～？！
今日來回程我地都係坐我至愛o既ＡＴＥ呀～！！^O^
去程期間．．．
我地都傾左勁多話題；又爆出連番笑料嚕～！！
而今次所傾o既野，都可以話係夠晒百搭同多樣化呀～！！
到左旺角之後，我地就周圍咁去行．．．
嘩嘩～今日我地睇左勁多野，又要買好多野呀～！！
落車之後首站，我地就先去交左網費～！！
隨後，我地行左一大輪睇下ｄ衫褲先．．．
原來阿三打算買入一套新衫去謝師宴，不過就俾我否決左～？！
而我就同佢講明白否決原因，係唔想佢因為一個活動而浪費ｄ錢～？！
隨後，我地就去左睇我o既波鞋喇．．．
哈哈～又係揀左一大輪，最終都落實左買對＄６１９囉～！！
睇波鞋期間，個仔俾左好多意見，又話是次必須引入Ｎｉｋｅ喎～？
原因．．．係因為我地一家四口都係買同一品牌o既鞋呀～！！
其實，我都曾經考慮過一段時間買定唔買好～？
不過個仔死都要我決定究竟買定唔買，盡快俾個答案佢喎～？
哈哈哈～又諗左一大輪之後，我始終決定買呢對喇～！！^O^V
隨後，我地再度轉戰下一個目標喇．．．
而呢個目標就係阿三首次引入ＣＤ大行動呀～！！
一家四口之中，擁有最多碟o既人都一定非我莫屬喇～？！
不過經過今日一役之後，阿三就變左第二個擁有較多碟o既人～？
哈哈～個仔仲話買開就有條癮喎，之後佢就負責呢條ｌｉｎｅ唷～！
今日個仔一口氣引入３隻陳奕迅o既大碟喎～！！^.^”
而對上一個引入新碟o既人，就係現存有２隻方力申碟o既阿大～！！
阿三可能係首次買碟關係啦，故此佢都顯得好開心同好奇唷～！！
買完晒所有野之後，我地就諗住落欽洲街o個邊食大排檔．．．
不過，阿三最終都係決定折返去旺火新世紀食晚飯喇～！！
而o係食飯期間，阿三就不斷咁欣賞佢ｄ新碟呀～！！^O^
食完飯之後，我地就落左去飲野啦．．．
而個仔又咁o岩見到有機打，所以就玩左一陣囉～！！
另外今日無論係行街定搭車，我地都有好多野講呀～！！^.^
飲完野之後，我地就去搭車返屯門啦．．．
而o係車程期間，我地就對調左手機來玩一玩囉～！！
哈哈～而且個仔今日仲死咁打來話玩聽鈴聲喎～？！
佢話手機播出來o既鈴聲，比用電腦聽o既效果更好唷～！！
另一方面．．．
其實於今日行程中，我地有過唔少對話～！！
而部份對話之中，仲係涉及到阿三o既個人意見及感受嫁～！！
希望呢ｄ開開心心o既日子，可以再多ｄ啦～！！
原來有佢（地）陪住我，心情真係可以差好遠嫁～！！^.^”
日久生情
曾共你相識那天 舊情未會老
螢幕的癡癡眼中 換來是控訴
怎麼想到能 一天走進熱愛跑道
大慨一起了相擁過未算好
只因是發覺被愛的恐佈
能生出愛情 問我應不應去禱告
＊我相信是世間說共你都應該登對
我心裡也許輕輕後退 沉澱裡來獨對
期待的一個夢 心醉 這個玄機為誰
這一次願我可以在你身邊不失去 怕只怕忘記了怎去追
只需要擁緊你已不能留下淚垂 和你只好相對＊
明白到初相見好 若然未愛到
時日的兜兜轉中 註定難計數
想得到永恆 只好一再受過傷害
直到一起了相擁過便更好 想可以愛到像世間深奧
能生出愛情 是最好心得有好報
repeat ＊
我相信是世間說共你都應該登對
也許我已經輕輕默許 沉澱裡來獨對
期待的一個夢 心醉 只有為你伴隨
這一次願我可以在你身邊不失去 怕只怕忘記了怎去追
只需要擁緊你已不能留下淚垂 陪我一生一對
文章定位：
