24h購物| | PChome| 登入
2007-02-13 20:15:09| 人氣43| 回應0 | 上一篇 | 下一篇
推薦 0 收藏 0 轉貼0 訂閱站台

＊步入尾聲＊

今日（１３／２）係情人節前夕．．．
同時，今日亦都係最後一次做週記交收o既日子喇～！！

週記就收得齊，不過成績表就只係收得一份啦～！！
大約５：００ｐｍ左右，大少已準時到左屯醫搵我嚕～！！

講下傾下，提及到近日ｄ野啦．．．
聽日就係情人節，另一方面又係佢地中五最後一日喎～！！
隨後，佢地就開始放新年假及要面對中五模擬試囉～！！

面對別離，每個人都會唔開心．．．
而且近日無論係人或事，都有好多野發生及轉變啦～？！＞＜”
忽然間要大家好冷靜同理性咁面對，相信都有一定難度嚕～！！

過埋聽日之後．．．
大少同二少o既五年中學生涯就正式劃上句號喇～！！
日後．．．佢地仲要面對更多考驗，而且亦會展開佢地人生新一頁～！

新年雖然就話會有活動啦．．．
不過，二少同三少都會先後離開香港一段短時間～！！
希望呢個活動可以順利舉行，而且可以玩得開開心心添啦～！！

隨住大少同二少畢業，留低就只有三少囉．．．
無奈又有好多事宜突然發生，令佢感到無所適從呀～？！＞．＜”
唉唉～點解要到左呢個時候，先有咁多野發生同等待解決喎～？？

另外．．．
今日見到個仔o個陣，我地都不忘傾左一排啦～！！
而且早於尋晚，我都有俾左好多意見同分析大少囉～！！

無論係對於人生或未來o既考驗．．．
我都希望佢可以開開心心，以平常心去面對所有挑戰～！！
而今日提到二少同三少時，大家都慨嘆時間o既流逝唷～！！＞＜”

人生總會有無數困難要面對．．．
但係我地總唔可以只係揀逃避，而係應該勇敢咁去面對囉～！！
因為好多小問題累積起來，就會變成一個好難解決o既大問題嫁喇～！！

我要檢舉
台長： Ｅｔｈａｎ～
人氣(43) | 回應(0)| 推薦 (0)| 收藏 (0)
全站分類: 心情日記(隨筆、日記、心情手札)

TOP
詳全文