呢日過得好開心又熱鬧，因為成班人又可以聚埋一齊玩．．．
而呢日主要係要幫ＮＯ５補祝生日唷～！！^.^"
今日活動主要係分四場．．．
早場唱Ｋ；中場就碌齡兼打牌；夜場就食飯～！！
呢日１１：００ａｍ左右，我就去屯西站等埋四個仔～！！
之後，我地就一行五人去左ｎｅｗａｙ唱Ｋ囉～！！＝．＝”
過左一陣，三妹亦都到場齊齊唱喇～！！^.^"
不過，期間就見到Ｄ唔應該見到o既人唷～！！（班臭三八）
因為咁，我就ｃａｌｌ埋妖人過來震場喇～！！
期間，我地唱得都非常開心囉．．．
特別係三妹唱歌之時，全場都會靜晒聽佢唱嚕～！！
不過，ＮＯ２就因為Ｄ人亂插歌而喊囉～！！＝．＝”
隨後．．．我地就成班人去左碌齡喇～！！
而ＮＯ１就因為要去補習關係，暫時離開～！！
當然呢場大家照樣玩得開心啦，因為期間好多笑位嘛～！！
而今場大贏家係ＮＯ３；輸家就係妖人囉．．．
因為咁．．．妖人仲要請全場人食雪糕添呀～！！^.^
玩完之後．．．
我地就轉移陣地，去妖人屋企打牌喇～！！
最初，佢搵極都搵唔到副『麻雀』係邊囉～？＝．＝”
但過後搵左一排，終於都俾妖人搵到出來喇～！！
是次落場打牌就有ＮＯ２，ＮＯ３，ＮＯ５及三妹．．．
而妖人就做『觀眾』，我就從旁輔助ＮＯ３，大妹就玩電腦～！！
當然，呢場都一樣唔少得講笑話兼互串o既爆笑啦～！！
隨後到左６：３０－７：００ｐｍ左右．．．
家姐同ＮＯ１都開始到場會合我地一齊玩喇～！！
而打牌方面就換入我及家姐．．．
我就代ＮＯ５，而ＮＯ３就讓出來俾家姐玩囉～！！
而ＮＯ３及ＮＯ５就去左同ＮＯ１玩『啤牌』喇～！？
到大約８：００ｐｍ左右．．．
我地就全部人一齊出發去酒樓打邊爐喇～！！
而細佬早於１５分鐘前已到場，我地隨後亦到齊晒～！！
其實，我地全部人都唔知細佬會到場唷～？？
而o係我地正式出發前，收到佢來電時ＮＯ２先講囉～？！
食飯就食得好開心啦．．．
隨後，我地仲圍埋一齊講鬼故同笑話呀～！！^.^"
不過，ＮＯ１同ＮＯ２就嚇得半死咁唷～！！！
其實，聽大家講o既鬼故都唔算太恐怖．．．
因為呢Ｄ故仔，主要都好似玩推理題咁嫁咋～！！＝．＝”
可惜ＮＯ１同ＮＯ２始終都係好驚咁唷～？！
到左１１：００ｐｍ左右．．．準備要散喇～！！
但ＮＯ２因為聽完鬼故關係，仍然覺得好驚．．．
佢就唔敢自己一個人行去搭車返屋企喎～？＝．＝”
因為咁我地就成班人一齊行去屯西站喇～！！
細佬同ＮＯ１就一齊行返去，我地另外就一班人一齊行啦～！！
同家姐，三妹去到屯門西鐵站；送埋ＮＯ２去搭５０６；
同ＮＯ３行到去杯渡站，隨後我同ＮＯ５搭５８Ｘ；妖人同大妹就行路～！
今日真係玩得好開心，全日都好搞ｇａｇ嚕．．．
而且o係食飯時間，家姐仲話我四個仔開始有Ｄ似樣呀～？？
哈哈．．．呢日真係好難忘呀～！！^.^
文章定位：
