早前ＴＶＢ剛播完o既〝酒店風雲〞相當受歡迎．．．
而o係戲內．．．講及『王氏三兄弟』o既一段奮鬥史．．．
佢地由一盤散沙，各自為政．．．變得同心協力～！！
而我自己旗下亦有三個仔．．．
佢地宜家o既情況同『王氏三兄弟』最初情況完全相同．．．
直到宜家．．．佢地仍然係一盤散沙咁嚕～！！＞．＜～
對住佢地三個．．．我真係好無奈呀～！！
可用o既方法，我基本上都完全試晒嫁啦．．．
但係，對佢地都好似唔太見效咁～！！？
我覺得．．．
佢地最大o既問題．．．就係佢地個心～！？
係咪用個心去對大家，同大家相處；互相扶持．．．等
一大堆．．．都係佢地各自都存在o既問題囉～！？＞．＜”
對住佢地．．．我都覺得好亂～！？
我．．．開始唔知．．．我應該用咩態度同佢地相處，溝通至好～？
問題．．．究竟係出自我身上，定係佢地身上呀～？＞．＜～
或者．．．交俾人（其他家族成員）幫我教．．．
咁．．．亦未嘗唔係一件好事唷～！？＝．＝”
一個人．．．的確係要經歷下ｄ挫敗，汲取教訓先會成長嫁囉～！？
可能咁做．．．佢地先會真真正正咁成長啦～？？
我真係好希望佢地可以團結一致，感情繼續向好發展～！？
遇到任何困難同問題．．．佢地可以一齊捱過；合力解決～？！
最起碼．．．將來遇上任何事，佢地都唔會係獨力承擔咁慘嚕～？！
至於三個仔方面．．．佢地都各有優劣～！！
如果要我揀．．．我都真係唔知點揀先好囉～？！
但係，有人同我講過．．．有ｄ野係點都要作出抉擇囉～？＝．＝”
ＮＯ１方面．．．
佢好勤力、好肯做、好肯學；好自律；而且仲好聽話．．．
而且，佢仲好有個人思維，好識諗；仲已經幫自己未來作好打算．．．
佢雖然唔係好醒o個種，但佢就唔怕辛苦，肯捱；唔怕蝕底．．．
而且佢做事仲好有交帶，極有責任心，無論o係做人做事方面都好叻～！！
在於我個人立場o黎睇．．．
如果真係計晒各方面因素，佢都係唔夠另外兩個o黎o既．．．
佢．．．唯獨就係輸o係感情牌方面嚕～！！＝．＝”
但呢個仔．．．由出道至今．．．
除左我極為欣賞佢之外，其他家族成員都好欣賞佢～！！
基本上o黎講．．．佢已經可以叫做冇得彈囉～！！
但可惜．．．有時連咁叻，咁乖o既人．．．都仲會俾人彈～？
而佢自己本身都有好多壓力，精神及心理負擔．．．等問題～？！
有好多．．．關於佢自己本身需要顧慮o既問題都唔少囉～！！
ＮＯ２方面．．．
佢的確係有小聰明，但往往就係因為咁而累死佢．．．
而且佢唔算係太曳，但係佢有時就好硬頸，唔肯聽人講；
佢個人思想意識方面好強，但好可惜仲未太識諗啦～！！？
佢最大o既問題就係．．．
佢懶，怕辛苦；唔肯捱；而且好鍾意逃避問題同困難．．．
佢．．．做任何野，對任何野都得過且過就算；
某程度上．．．佢的確係有點兒自負囉～！！＞．＜”
如果．．．佢係肯付出，肯努力；做任何野都積極o既．．．
以佢本身實力，若佢要成功亦絕非難事囉～！！？
同時，佢o係感情同思想上亦算係比較有見解o既．．．
不過，可惜o既係．．．好多時遇到問題佢就只會揀逃避～！！
而呢個仔．．．由出道至今．．．
佢係經歷得，發生得最多事，過程中有好多次o既起跌～！？
而佢o係我心目中，的確係有一定份量囉；始終我倆感情係比較深～？
但可惜．．．其他家族成員對佢印象唔太理想啦～！？
而佢唔算係最好，亦唔算係最差o個種．．．
我．．．相信佢仍然有佢o既發展潛力，可以做得更好囉～！？
但最終結果係點．．．講真，就真係要睇佢造化喇～！！！
ＮＯ５方面．．．
佢思想始終仲係咁小朋友，天真單純．．．
論各方面o既能力，另外兩個的確係比佢優勝嚕～！？
可能佢仲係比較小朋友啦．．．所以佢本性仲係好純，好傻～！？
講到各方面o既評價．．．
佢o係我同各家族成員心目中印象唔係太差唷～！！
佢唔算係乖；但又唔算係曳囉；佢就比較情緒化～！？
至於佢能力方面，仲有待觀察．．．
佢唔係冇發展潛力o既，不過相比另外兩個，佢就遜色少許啦～！？
而佢本身問題，除左思想仲未進步之外．．．
佢亦係好怕辛苦，唔肯付出，唔肯捱o個種；
同時，佢．．．都係好鍾意揀逃避問題同困難囉～！！
好快．．．佢地就會要面對佢地人生之中第一個難關－ＣＥ喇～！！
而且我呢個做老豆o既本份同責任．．．我已經交足貨～！！！
希望佢地真正可以好似『王氏三兄弟』咁〝經一事，長一智〞啦～！！
文章定位：
