24h購物| | PChome| 登入
2004-12-31 22:15:45| 人氣69| 回應0 | 上一篇 | 下一篇
推薦 0 收藏 0 轉貼0 訂閱站台

＊２００４＊

今日係一個極寒冷o既除夕～
唔經唔覺，咁又完左一年．．．
即將要告別２００４年，迎接２００５年喇～！！

o係過去呢一年．．．發生左好多好多事～
期間有開心，有唔開心～
亦有好多事令我好難忘囉～！！！

人大左，面對o既野又唔同左好多～
宜家o既我已經唔再係一個．．．
每日只係返學，放學o既學生～！！

出左黎工作．．．更加令我體會到更多事～！！
有好多野，根本唔會o係你預計之內～
而且，亦都同以前一大班好好o既朋友分開晒～～
宜家，每個人都各有各忙～！！
想一大班人一齊再聚頭，真係唔係一件易事～！！

所以．．．每次聚會，我都一定會盡量出席～
而且盡量集齊人一齊出席囉＝．＝”
因為果種感覺真係好正唷～！！

人．．．真係好化學嫁咋～～
而且，人始終唔會成世都會o係埋一齊～
終有一日大家都會分開～！！

正正因為咁．．．
更加令我覺得要珍惜身邊人，珍惜每一份情～
因為我始終覺得每一份感情真係得來不易～！！
要經過好多好多野，大家先可以成為一班好朋友～！！
當然．．．相識亦係一種緣份～！！

o黎緊即將步入新o既一年．．．
我真係好希望我身邊所有人．．．
佢地都可以開開心心咁生活；一切都順順利利～～

另一方面．．．
每個人成長要捱；
我最愛o既一大堆路線（ＫＭＢ）亦都一樣要捱～
我睇住我好鍾意o既路線（Ｕ廠線）一步步加冷，全冷～
我自己都好開心囉～！！！
希望佢地同人一樣，亦會不斷咁進步啦～～

最後．．．就係我最放心唔落o既兩個仔喇～
睇住佢地出道，亦睇住佢地成長～！！
過程中．．．真係有好多喜怒哀樂～！！！
睇住佢地有乖o既時候；亦都有曳o既時候．．．
而自己就不斷用唔同方法去教；亦多得身邊一班家族o既協助～
當然同時都希望佢地．．．
o係未來會有更好o既一面；更好o既發展～～
我真係好希望我（為佢地）所做o既一切．．．係值得嫁啦～～

最後．．．祝願各人：ＨＡＰＰＹ　ＮＥＷ　ＹＥＡＲ
送走一Ｄ唔開心o既野；o黎緊所有野都係好o既～！！！

我要檢舉
台長： Ｅｔｈａｎ～
人氣(69) | 回應(0)| 推薦 (0)| 收藏 (0)
全站分類: 心情日記(隨筆、日記、心情手札)

TOP
詳全文