依時間排序：
1. Muse – Time is Running Out
查實呢首唔貼心，不過上半年點都比返一首半首黎代表下。
我第一次聽到呢首歌即刻覺得佢得我，遊巴士河途中亞主音唱到假音果時我簡直high到想係架車度哎出黎，正到喊。
之後我所聽既歌，基本上就係我下半年既故事。
2. 王菀之 – 幸福
開始左一段唔應該開始既關係，而我亦都唔強求d乜。
3. 陳奕迅 - 富士山下
分開之後，回憶總是過份美麗的。
然後與回憶借屍還魂地繼續不倫下去。
4. 謝安琪 – 3/8
考車令我每日都忙到嘔但係又分散到我d傷痛，每朝勵志住咁出發去路環學車。
有一次，聽住佢，巧遇人生第一道彩虹。
5. 謝安琪 – 悟入歧途同一人之夏之爭
唔做大公司，無個正常男朋友，so what?
我要既係經驗同精彩。
可否試驗禁果 相信我直覺 不想走進軌跡裡渡過
即使怪異眼光 嘲笑戲弄我
得不到世界為我扶助 只想以盛放的膽色
共遐想跳舞 去走歧途 從未怕闖禍
總可按著我譜寫的韻律唱歌
一人之夏果種脫離現實，安撫到我每日勞碌學車+返工+OT，用住呢個情緒去勞碌的確易過好多，又會覺得自己一個人遊巴士河幾有浪子。
一首支持我成魔之路，另一首係我Jazz之入門。
6. 東京事變 – 落日
想寫好耐，其實題目一早開好，又一太重視而唔敢開始既題目，因為我知一寫會好長好長。
其實椎名林檎真係一個天才黎架，我真係忍唔住要狂講。
淨睇佢聲演此曲，果種孤淒、果種遍體鱗傷、果種痛、果種可憐得黎又要頂硬上、果種思憶，係如此深如此真切如此赤裸裸。
再睇埋佢作既歌詞(我當然睇中譯版再加我既閱讀理解)：
你誕生之後與我相遇共同憂春賞秋 在追溯記憶的過程中你純真的照片
我終究承認了我是不懂季節的流逝 現今唯有失去聲音的你照映著月花
(一直以來都由你陪著我傷春悲秋，傷春悲秋已經夠傷感但又很享受那種自疼自憐，並不是每個人都懂得享受，現在沒伴了。失去你好久之後的此刻，只淨下你帶住純真笑臉住的照片陪我傷春悲秋呀!!!慘到丫!!!)
「盡是些不著邊際的東西」 就連如此嘆息著的舌根 都暗示著乾渇前的期待
就好像不得心應手的夜晩 又擁抱著一個弱小又逐漸冷卻的生命
(做任何事都混混沌沌力不從心，對世界的熱情都逐漸冷卻。)
於雪誕生總是笑著討厭下雨的此處 唯一能確定的是你截至剛才的體温
(你的每件小事我都清楚記得，就像你只是剛剛離開，過度思念令記憶如此擬幻擬真。)
有人問「你為什麼悲傷」 其實我根本就沒有在傷心什麼
可能只是剛好遇到夕陽落下而已吧
背叛了渺茫的希望 迎接了近乎理所當然的白眩落日
(悲傷已經成為正常狀態下的情緒，連自己都未察覺。心入面只有少少希望你會回頭，但其實又已經接受了現實。)
只是因為被孤零零的丟下 就説再見未免也太過可笑
可能只是剛好遇到太陽要落下吧
我偶然地與你相逢 用近乎理所當然的温柔迎接落日
(因為被孤零零的丟下，連說再見也覺得有點不好意思了。要向誰道別，唯有向快將消失在地平線的落日說再見吧。我們之間的相遇、繼而相戀，到現在我也不太敢說得驚天動地了，就說成是因為落日吧。)
好 要笑囉
(哎也，好苦。)
有咩辦法？歌詞中中中中中，再加埋林檎演譯，我聽到喊左八次以上。
再聽下編曲？亞芝真係講得好中，椎名林檎好叻控制得你d情緒好準，逐漸咁踩入去個情緒，到最後慘到爆炸果時，又整一野live氣氛部份比你抽返出黎，如果唔係repeat十次之後真係驚聽到去自殺. . .
其實我真係覺得佢係唱緊自己既故事，真係好真，live既時候佢都唱到喊左。
我覺得係佢前夫既事。
忍唔到手，椎名林檎真係一個天才。
7. 十二金釵眾生花 - 三千年後
之前都講過，又係一首可以聽到喊既歌。不過有獨白既歌始終唔耐聽。
8. Both 椎名林檎 & Nat King Cole – 枯葉
夏天尾既時候聽枯葉，但係都浪漫到呢. . .
Nat King Cole版：大城市果種寂寞，好似去左New York，著住比風吹起既啡色大衣，踏住黃葉穿過灰色建築，melody靚到呢… 佢把聲靚到呢. . .
林檎版：開頭唔知佢唱咩文，但係呢段唔知咩文全為後段鋪左一條好長既路，d氣係咁草住草住草住再草住…一爆！黎喇！哇~編曲靚到呢… 最正係新編曲手法加埋老套原素，之後變成型型型+keep到秋天果種浪漫詩意。
又係氣氛一路升溫，一路升，係咁升，聽完之後要repeat十次咁囉，唔捨得個氣氛結束呀~
我真係忍唔到口，椎名林檎真係一個天才！！！
9. 王菀之 – 想愛不相愛
之前某篇都提過，見返既果一刻，反而無同回憶戀愛咁美麗，大家都一樣。
10. 戴愛玲 – 我該得到
但係妒忌可以令痴線，越得唔到越想要，付出越黎越多，亦都想要更多，開始去到失控既地步。
11. 戴愛玲 – 好想看星星
終於黎個了斷，先至發覺，原來未試過為一個人付出咁多，還算慶幸自己原來識得愛人。
12. Thantos - if i can’t be yours (Evangelion Vox)
Now it’s time, I fear to tell
I’ve been holding it back so long
But something strange deep inside of me is happening
I feel unlike
I’ve ever felt And it’s makin’ me scared
That I may not be what I (think I am)
What of us, what do I say
Are we both from a different world
Cos every breath that I take, I breathe it for you
I couldn’t face my life without you
And I’m so afraid. There’s nothing to comfort us
What am I, if I can’t be yours
I don’t sleep, don’t feel a thing
And my senses have all but gone
Can’t even cry from the pain, can’t shed a tear now
I realise
We’re not the same And it’s makin’ me sad
Cos we can’t fulfil our dream (in this life)
So I must, let us break free
I can never be what you need
If there was a way, through the hurt
Then I world find it
I’d take the blows. Yes I would fight it
But this is the one. Impossible dream to live
What am I, if I can’t be yours.
睇左歌詞就明點解我會揀 - What am I? If I can’t be yours.
其實呢首歌真係好多年前，係 Evangelion既插曲，當時已經覺得成首歌好靚好靚， 直到今日經歷埋咁多，真係無計。
13. 鬼束千尋 – 月光
一切完了。
試下開大個喇叭聽呢首歌，聽呢首歌既時候，好似係教堂祈緊禱咁。
聽住佢， 我聽到傷痛，我聽到迷罔，同時我又感受到憐憫，感受到溫柔既撫觸，同時與你期盼將來。
--
我貪心左少少，十大變左十九幾大。不過要我揀返d出黎，我會唔要Muse同Nat King Cole同「我該得到」啦…
Muse唔洗解釋啦，Nat King Cole版Autum Leaves係經典，但係我真係屬於椎名林檎呢…
「我該得到」其實都真係控制到我情緒架，不過只係輔助，呢刀比起其他插得唔算深。
哇…長到丫…B倫你睇我幾認真~長過我任何一份歷史卷d問答題。
係呀，呢個又係問答遊戲，選出你地2007既金曲十大。(可以簡答)
文章定位：
