24h購物| | PChome| 登入
2007-12-05 01:34:51| 人氣164| 回應4 | 上一篇 | 下一篇

真友誼 (個題目好老套)

推薦 0 收藏 0 轉貼0 訂閱站台

今日收到小嫻一封醫喵信，信中提及骨肉離異，而小嫻剖白佢對一班石頭骨肉親情，希望各位放下心結，和好如初。雖然呢招其實未必有用，但係我真係有d羨慕又妒忌。

小嫻企係呢個牧羊狗既位，死命拉返埋成班人，其實真係好吃力。
由此証明，小嫻真係好愛佢地12個。(雖然一早知道佢真係好愛)

佢咁愛佢地，一定係曾經有過一段快樂既日子。而快樂既時光，係有能量既。即使而家面臨決裂，話哂都曾經有過美好回憶，快樂時光既能量，推使小嫻願意付出更多。以及，小嫻既愛係付出型，而唔係被動型，呢點令我覺得好羨慕。

我唔知係我唔好彩，還是我唔可愛，我既朋友之情都係淡薄得可憐。
亞芝「是有點狡猾」入面提到女孩子之間係無真情友，我開始有d相信。
其實我直頭覺得，女孩子唔明白咩叫做友情。
吹時由幼稚園已經開始讀女校，直至青春期反叛期，十八歲開始先至長期接觸有男孩子既世界。一直都唔明白友情呢樣野係點運作，甚至覺得友情其實係愛情但係做漏少少野咁解。

加上我成日覺得自己點對人，人地就應該點對返你，所以我經歷過無數次失望。雖然狂失望，但係我都仲係唔明白呢個結果係點証出黎。
縱觀吹時所經歷既友情，都薄弱得很，而往往只有我一個太認真. . .
就算我點樣努力，友情都唔會長期留係我身邊，又或者係因為我太認真，所以嚇走哂所有人. . . 我對自己既人際關係，真係嚴重失哂信心. . .

時至今日成，我好似開始理解咩叫做朋友，以及點樣成為一個稱職既朋友。但可惜，我始終都係被動型，我好想好似小嫻咁，懂得付出更多。

小嫻，無論結果係點都好，我都好羨慕你曾經有過既友情，以及羨慕你有付出愛既能力。

--
丫，唔記得話比大家知，一直以黎，我既朋友群都只係得女孩子，所以我真係好想有返d男性朋友等我學下點樣整d真友誼出黎. . .
最緊要係，唔好友友下誼變左質. . . 唔該. . .

我要檢舉
#友誼#女孩之間#付出
台長： 吹時
人氣(164) | 回應(4)| 推薦 (0)| 收藏 (0)| 轉寄
全站分類: 心情日記(隨筆、日記、心情手札) | 個人分類: 在黑暗裡迷途 |
此分類下一篇:都是情的錯
此分類上一篇:遺憾卻很美好

我要回應
咸
我覺得有好多野都係無得淨係睇一面。我封信你係咁樣睇je，但係內裡當然仲有好多心魔。問題係人無完人，如果時時刻刻都記得自己係咩人，同埋自己有幾咁難頂(le點我清楚到爆)，再記下世界上仲有好多因為聽左外面ge人講你而直接疏遠你，並因而失去的友誼。你就會開始覺得眼前留得住的份外可愛。你點睇我我有咩所謂呢，即使我真係你睇我ge咁壞，即使壞，係唔係真係唔可以一齊先？我同過好多人斷過來往，有d關我事，有d on on居居俾人講兩講就無左。如果唔係黑心故意做d咩ge，可原諒就原諒啦......
2007-12-05 01:55:12
吹時
講起壞，我呢期都開始label自己為壞人，係自我放棄又好，係衝係人面既指責之前指責左自己先又好，至少我坦白。
同時，發覺自己原來可以變成另一種人，其實感覺都幾amazing。

又講起難頂，難頂其實仲可以頂住先，中間仲可以搵機會搵辦法soft或者solve。但係事情一發展到疏遠，就真係想頂都無得頂...
(唔小心爛左gag... 無得頂... )
2007-12-05 10:42:08
Jordan
睇完篇野只係get 到吾太多你想講中心係咩, 但睇你個結尾係想要一班男性朋友, 其實你想要幾多, 要d咩質素.
2007-12-15 16:52:32
吹時
要幾多？無得我揀，我亦唔貪心。
咩質素？由同我做朋友好易，我對朋友要求好簡單，真心就可以。
想要一班男性朋友？我想要好朋友咋。
如果女仔朋友都可以有男仔友誼果種，我會感覺如獲至寶。

呢篇野主題？呢個問題都幾令我傷心，証明我寫野唔夠好。
我都會返去面壁. . .
2007-12-16 03:49:07
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文