心靈雞湯現實版＠自體實驗｜PChome Online 個人新聞台

2007-03-17 19:09:14| 人氣157| 回應1 | 上一篇 | 下一篇

心靈雞湯現實版

推薦 0 收藏 0 轉貼0 訂閱站台

一個星期四既晚上,難得有街去,去到點幾鐘收到屋企打黎既電話。
咩鬼死咁大個袋,炒得個電話出黎都收左線,橫掂都就返到屋企,唔覆喇。

返到屋企,我爹問我係咪唔洗返工,去到咁夜,又唔聽電話。
我即時覺得洗唔洗咁大反應呀?好日都無街去下,唔係去一次都唔得掛?
於是”唔係有下節目都唔得掛?”

爹係將軍型既父親,雖然對我時常特別呵護,但係佢當晚既反應的確有d異常軟弱”唔係唔得,不過又唔聽電話...(fade out)”

遇見我娘,又鵝我,做乜唔聽電話,話我爹擔心我搞到個心唔舒服。
我心諗,痴線,洗唔洗咁大驚小怪呀...

我都無佢地咁好氣,成兩點幾返去膠豬好過。

訓到五點幾轉身果時見到爹娘房門打開左,感覺有d異常,即刻起身去裝下佢地,無人既?係咪我未戴眼鏡睇唔到佢地呢?
戴返眼鏡,真係無人喎... 哥哥呢?間房都無人喎...

全屋淨返我一個... 果種我一直以黎最怕既孤獨同不安... 好驚...
即刻打電話比媽咪,原來我爹係我訓左無耐就入左醫院急症室...

好彩無事,已經返左屋企喇...
感覺好後悔,原來佢當時已經唔舒服,我仲一句頂埋去...

尋晚我問返爹果晚點,佢話佢之前去按摩既時候已經心絞痛,佢skip左話擔心我果part,我唔知係我娘將責任推卸比我還是我爹覺得唔好意思講話擔心我...

無論點都好,我都覺得好後悔當時咁頂佢果句,於是收左線之後喊左出黎,喊喊下太攰就迷迷糊糊訓著左。
跟住訓訓下爹娘同哥哥返黎喇,好彩...

第二朝眼訓+喊完後謝哂咁返工... 個心仲係好唔舒服...
唉... 以後唔好做d令自己後悔既事呀。

成件事真係好老套,老套程度好似心靈雞湯又或者forward e-mail入面我最不屑果d扇情故事...

but that’s ture...

針唔拮到肉都唔知痛...

我要檢舉

#後悔#關心#家人#心靈雞湯

台長：吹時

人氣(157) | 回應(1)| 推薦 (0)| 收藏 (0)| 轉寄
全站分類: 心情日記(隨筆、日記、心情手札) | 個人分類: 正確的道路 |
此分類下一篇:向世界出發 - 香港...
此分類上一篇:妥協

回應(1)