Lost in Translation＠自體實驗｜PChome Online 個人新聞台

2007-02-21 01:24:18| 人氣130| 回應3 | 上一篇 | 下一篇

Lost in Translation

推薦 0 收藏 0 轉貼0 訂閱站台

好似好耐無係度講過野,個口會臭又或者硬係覺得對唔住我既廣大讀者咁(未免太自大了吧?!)。

成個星期唔見人,搞緊d乜?都算叫做節目豐富喎話時話...
首先,情人節前一日,有個男人打黎叫我聽日見佢,無錯,佢就係我既新同事仔,叫我情人節獻出第一日工作天比佢...
無所謂啦,夜晚先至約左兩隻怪獸妹過單身情人節。
點知一做做到夜晚十二點...仲要係成日裡面緊張+忙到面都青埋果隻...成個散哂...
打比兩隻怪獸妹,噢...已經返左屋企ru...

不過返屋企果程的士公司出錢,都算係一份體貼同埋都証明比我睇我無嫁錯郎~

第二日又開波,一朝早返去簽約,西人小姐指住份約同我#$$%%$左一大輪,我唯有狂點頭,就算條件唔公平我都會做架啦...我簽簽簽簽簽。

繼續聾啞人士生活,不過經過第一日訓練,第二日我已經好神奇地開始聽得明更多同事間既對話,第一日聽得明30%,第二日應該係45%左右,但係都仲係啞左,好彩有好人姐姐(好似韓尚宮)幫我做老翻,又教我出黎做野點同人溝通咁,勁好人~
最開心係有個金髮姐姐好體貼我,驚我會做死,幫我將d job排好隊,要我做野要入紙申請架~哈哈~

第二日依然活於緊張之中,因為語言不通,始終有壓力,同埋都偷聽到同事之間對話有提及我既語言能力,噢...
不過佢地個個都好鍾意我做d野,幾乎係一出即buy, 實在太爽!(可能人地時間緊迫先焗住要姐...)

第三日,經過兩日壓力下,終於都開始跌watt,所有動作好似以前d walkman無電咁,變左恐怖慢版,兩眼黑眼圈尤其嚇人...想拿臨跑去printer都變左慢動作無限復活...

雖然都真係超攰,但係都做得幾開心架暫時黎講,d人又對我勁nice,雖然我啞但係都會照顧我,又專登講慢d黎就返黎,又鼓勵我同佢練習多d,勁好呀~
唔想係度好似曬命咁,但係暫時黎講都真係唔錯唔錯。
咁講返d缺點啦,咪就係人工唔係最高,地點又遠離我家十萬九千每日要迫巴士聞臭格肋底,不過都抵消到。
始終最唔慣係發開癲既我突然變啞左,不過我知我短期內就會開始發返癲架喇只要我d英文真係大有進步既話...

我要檢舉

台長：吹時

人氣(130) | 回應(3)| 推薦 (0)| 收藏 (0)| 轉寄
全站分類: 不分類

回應(3)