聽小咸風的卡夫卡＠自體實驗｜PChome Online 個人新聞台

2006-12-14 06:09:50| 人氣237| 回應0 | 上一篇 | 下一篇

聽小咸風的卡夫卡

推薦 0 收藏 0 轉貼0 訂閱站台

尋晚小咸烚烚下時，提出一個問題「到底你地覺得套野點？」

我頓時啞左。

其實我我一時間唔識點講，需要d時間整理下，諗住見佢上網都會傾，不過真係未見過佢上...
好啦，而家我就用我既角度講下。

首先，我係為左睇小咸而睇聽風的卡夫卡既。
做左同學咁多年，都未見過佢on stage既樣，其實一直都好想知佢係台上面係點，就算之前佢有演出，無人陪睇既情況下(我果時仲未識隔離班d傻既人+A班搵人睇...算吧啦+我真係唔習慣自己一個人去睇野...)，自己一個都無去睇到，所以而家有機會又有人陪就去睇。

其次，我係一個無乜睇呢d art show資歷既人，好多時婉轉少少既表達方式對我黎講，都真係明唔到，唔識得應該由咩角度切入去賞析。
我應該先要明白左村上春樹先至可以易d明白套野講咩，但係我連村上春上果種靜法都接受唔到既人...所以要我比意見，我真係唔係幾好意思獻醜...

講返套野先，除左好多唔明之外，實在太多野可以令觀眾分心。
下面音樂會break果時好好笑，同時又好佩服演員可以係有其他o靚仔跑黎跑去既同時，keep住跳，好想比個叻佢。

成套野我覺得最好睇的確係面粉人仔跳舞，fing面粉出黎果幾下好勁好好睇，跳完真係想走埋去攬住佢鍚一啖~
仲有，有個男仔自己跳果part d影幾好睇，如果個男仔靚仔d仲好...呵呵呵~

由於我係為睇小咸而睇既，小咸先至係我睇既原因，所以在我黎講，套野應該要叫做「聽小咸風的卡夫卡」。
(終於無再叫佢做卡卡夫喇...果個包成日係度催眠我變左佢做火影忍者個卡卡夫...)

我要檢舉

#小咸風

台長：吹時

人氣(237) | 回應(0)| 推薦 (0)| 收藏 (0)| 轉寄
全站分類: 藝術設計(手創、設計、室內空間、裝潢) | 個人分類: 無聊小花癲 |
此分類下一篇:怪旦吉
此分類上一篇:我又八婆仔

回應(0)