夢裡漫游新馬路＠自體實驗｜PChome Online 個人新聞台

2006-06-24 14:42:38| 人氣107| 回應1 | 上一篇 | 下一篇

夢裡漫游新馬路

推薦 0 收藏 0 轉貼0 訂閱站台

係呢個瘋狂趕野既日子，訓覺已經係一件奢侈既事，但係同somi一樣，惡夢先生走黎同我玩(或者係玩我)。

尋晚見返一個好耐無見既舊男友(?...)，唔知點解竟然會同佢一齊住，同佢既關係仍然係保持住一種地球同月球般既距離，雖然佢就係我身邊。

同佢一齊由屋企行落街唔知做乜，周圍既環境就好似我所搵既新馬路舊圖片中既小巷。
我同佢穿過呢d掛滿浪衫竹既小巷，好似話去食飯，途中遇到一d我識既人，又或者總之係會同我好nice咁打招呼既人同我打招呼，之後發生咩事就唔記得喇。

夢入面，我同佢身處既環境，應該就係佢口中所響往既異世界，純樸、無憂，周圍既人都充滿善，人與人之間真切關懷，一個大同世界。

佢曾經話過佢會帶我一齊追求呢種生活，我諗我係因為咁，所以我選擇同佢一齊。
可惜，現實生活中，未開始追求呢種生活方式，劇情已經往醜惡處發展，同佢過住美好生活既日子，只可以係夢裡面實現。

更可悲既係，係夢裡面周圍既人都咁和藹可親，而拖住我手果個反而就好似有張牛油紙同我間住係中間。

醒返果一刻，感覺係偏向壞，我真係好討厭人與人之間既距離，點解明明你就係我身邊，仲要係親密既人，但係心既距離竟然可以相差咁遠既呢？
即使手拖住手，面貼住面，人與人之間，都可以隔住地球同月球之間既距離。

我呢種無能力打開人心窗而又討厭被拒既人，係唔適合同呢種鍾意過度保護自己既人一齊。
同時又再証明，我又做左正確既決定。

我又再次病入膏肓，發夢都要發到舊圖片中既新馬路喇. . . . . . 救命. . . . . .

我要檢舉

#半惡夢

台長：吹時

人氣(107) | 回應(1)| 推薦 (0)| 收藏 (0)| 轉寄
全站分類: 心情日記(隨筆、日記、心情手札) | 個人分類: 病入膏肓 |
此分類下一篇:得閒病
此分類上一篇:初吻tracy power

回應(1)