優雅地肉酸＠自體實驗｜PChome Online 個人新聞台

2006-05-27 23:12:38| 人氣238| 回應0 | 上一篇 | 下一篇

優雅地肉酸

推薦 0 收藏 0 轉貼0 訂閱站台

啊~越黎越多人開blog喇~但係我同時發覺，越黎越多唔識享受blog既人開blog。

佢地好似將blog視為一種宣傳自己既工具，係blog入面只講提高自己形象既事，每寫一篇，都係將自己逐步塑造成完美既人。

當然，我地每個人對自己都總會多一份偏袒。但係，我發覺佢地係將自己負面既部份完全封殺。
於是每篇都係明示暗喻讚美自己，吃喝玩樂街市行情，但係可惜佢地又唔係專家料唔係真係勁之餘，無血無肉唔立體，sorry，我真係無乜興趣睇。

反而就算亂發癲發洩up一兩句，我都覺得有意義過你狂堆砌自己囉。

可能我真係鍾情於d血肉糢糊既野啦. . . . . .
又或者，真係同我交朋友既宗旨一樣，淨係用表面黎同我接觸既人，我真係無乜興趣。

其實寫日記，就等於一部可以拍到你心靈既相機，你永遠用同一角度同一A號微笑，你就唔知自己A號笑以外既自己係咩樣，但並唔代表其他人平時見唔到你A號微笑以外既衰樣。
blog就更加等於digital cam添，拍完仲可以留返私人珍藏，唔洗驚拎出去比人曬比人見。
我諗知道自己肉酸既時候係點，點都不及唔知自己肉酸而被其他人一野篤爆既一刻黎得狼狽掛？
至少肉酸，都可以優雅地肉酸丫。
請好好善用你的digital cam。

套用返本文頭一句：「啊~越黎越多人係我身邊出現，但係我同時發覺，越黎越多唔識享受同人做朋友既人同人做朋友。」

我諗佢地唔係唔識同人做朋友或者開blog，而係佢地都想保護自己。
既然要咁保護自己，做乜又要開blog呢下？
車~ 我地又唔係你老細，驚咩jet~

我要檢舉

#面對自己

台長：吹時

人氣(238) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札) | 個人分類: 八婆仔偉論 |
此分類下一篇:吹時有份耍花槍
此分類上一篇:吹時愛的闡釋

回應(0)