一句足以令我自豪既英文＠自體實驗

2006-05-07 03:18:26| 人氣180| 回應0 | 上一篇 | 下一篇

一句足以令我自豪既英文

推薦 0 收藏 0 轉貼0 訂閱站台

假前男友自從比我故意激走左之後，好一段日子無再同佢聯絡。
雖然有時會諗起佢，諗下姐，用幻想黎紓解下壓力都得掛。

前晚無聊開左個十年都唔開一次既icq，佢竟然主動「;)」我，我以一句「好耐無見」黎回應。佢話佢而家係office，睇唔到中文喎。

Sorry，我吹時英文真係唔係咁好，不過同人網上傾偈查下查下字典都可以勉強溝通到既。但係我吹時都有我吹時既忙碌，我都有論文要做，或者用中文都可以飛快地回應，但係呢一刻，我無咁好心機打英文黎就你。

我一直以黎咁努力打英文黎就你，仲有其他其他，你從來都無珍惜。
咁簡單既事，點解唔可以搵個睇中文既software黎裝左佢？

“I think there are thousands ways to read my words, if u want.”
(中譯：我諗呢個世界有好多方法可以睇中文既，如果你有心既話。)
我唔知呢句grammer岩唔岩，你都可以笑我grammer唔岩。但係呢一句，已經幫我爭返我身為女人既尊嚴返黎。

可能佢係office真係百忙之中抽空同我傾偈(不過我估佢應該唔係囉)，我仲要求佢搵睇中文既方法係有d細路女。
不過，對住d咩人，我用返d咩方法姐。

我要檢舉

#臭男人

台長：吹時

人氣(180) | 回應(0)| 推薦 (0)| 收藏 (0)| 轉寄
全站分類: 男女話題(愛情、男女、交友) | 個人分類: 正確的道路 |
此分類下一篇:飛我丫，笨！
此分類上一篇:賣火柴的吹時

回應(0)