叫得大聲D!椎名林檎!＠自體實驗｜PChome Online 個人新聞台

2006-03-27 19:55:12| 人氣77| 回應0 | 上一篇 | 下一篇

叫得大聲D!椎名林檎!

推薦 0 收藏 0 轉貼0 訂閱站台

我相信鍾意得椎名林檎既,某程度上都有d虐待或被虐傾向。

真係好嘈呢~哎也鬼野呢？唔知喎，但係又好中喎，好似終於r中粒蚊爛咁，大大力whe落去(呢個比喻有少少噁心)。

好刺耳，好似想挑戰人地對佢容忍既極限咁，但係又刺得岩岩好，無過火，份量肯定經過精密計算。

好dark(我唔知有冇人用過呢個字黎形容呢隻音樂或者其他音樂,但係我就係好想用呢個字黎形容)，好似係防空洞入面嚴刑拷打既撕叫。以？咁岩既，我一直都鍾意收埋自己係地底。

好立體，一層一層，咁用盡任何聲音將你既中樞神經好似扭毛巾咁扭。

無辦法聽住佢果時唔跟住佢一齊喘氣，係喘氣，唔係普通既呼吸。

你知佢唱乜咩？唔知喎，我都唔識日文。

佢係一個好清楚自己想要乜既女人，就算明知做左之後會有好長手尾跟甚至死。
但係唔理，果一刻滿足左先最緊要。
綻放最後快樂。呢d咪就係日本文化領域入面價值觀體系既重要部份囉？！
無怪乎我會咁鍾意。
就好似而家咁，明明聽日要交論第一渣，但係好想寫好想寫，唔理今晚有無得訓，唔理趕唔趕得切。

曾經有一排放低左佢，生仔咁開心？唔知點解佢唱乜都無乜感覺，只覺得有一堆聲音係耳邊經過。又或者我當年太幸福，解壓唔洗靠佢。

睇住somi呢排係咁椎名林檎，就勾起我當年憤世嫉俗時代既回憶。
係舊物中挖返隻覺得應該要買，而又買左好耐但係未聽過既碟出黎，從此又同佢勾搭上。

一手按住耳膜，一手渣住支針，丁起手指尾，木無表情，係中樞神經一針針拮落去，將壓力瘀血盡情擠出。

我要檢舉

台長：吹時

人氣(77) | 回應(0)| 推薦 (0)| 收藏 (0)| 轉寄
全站分類: 興趣嗜好(收藏、園藝、棋奕、汽機車) | 個人分類: 病入膏肓 |
此分類下一篇:屙左一大煲
此分類上一篇:垃圾垃圾垃圾垃圾!!!!!!!!

回應(0)