點可以忍住唔唱歌呢？＠自體實驗｜PChome Online 個人新聞台

2005-12-08 11:33:32| 人氣53| 回應0 | 上一篇 | 下一篇

點可以忍住唔唱歌呢？

推薦 0 收藏 0 轉貼0 訂閱站台

黎到香港，除左行李之外，無一樣野屬於自己。

無最親既親人，無最好既朋友，平時可以係佢地面前肆無忌憚咁做自己，想發癲就發癲，想笑就笑，想唱歌咪唱囉，分分鐘仲有人同你一齊癲一齊唱一齊笑一齊喊。

但係係呢個我出世既地方，除左張香港出世紙可以証明我係香港出世之外，我，唔係屬於呢個地方。

係呢個我唔熟悉既出生地，我唔可以好似係屋企咁放肆咁表現自己，想笑唔敢笑，想喊都唔敢喊，想唱歌更加無可能。唯有當無人既時候先唱啦。

每日返工果條大長路，可以一眼望哂前後有無人，當我清楚條路clear既時候，先至會細細聲咁唱歌。
就算會唔記得歌詞，又或者唱錯都無唔洗驚會比人聽到。
但係一突然有人彈出黎，我就會面都紅埋咁cut歌。

除左果條路之外，接近夜晚十二點既街上，人流少好多，但係巴士駛過既聲音依然好似日頭咁大。係等車既時候，我就可以企係一個無人既車站度，有巴士車聲做我掩護，將困係我體內既歌聲逐少釋放。

對於我黎講，唱歌係必需架！
我唔知點解我咁需要唱，但係真係好想唱，雖然唱得未必好聽亦都無聽眾，但係唱歌巳經係我既生理需要。

我要檢舉

台長：吹時

人氣(53) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札) | 個人分類: 無聊小花癲 |
此分類下一篇:誠徵靚仔
此分類上一篇:余慕蓮式初吻

回應(0)