終於落完雨. . . . . .＠自體實驗｜PChome Online 個人新聞台

2005-05-16 22:56:15| 人氣65| 回應0 | 上一篇 | 下一篇

終於落完雨. . . . . .

推薦 0 收藏 0 轉貼0 訂閱站台

過左成年,開始慢慢習慣一個人既生活,習慣每朝早自己買早餐趕巴士返學,習慣每晚放學自己搭巴士返屋企,習慣肚餓既時候自己走落街買野食,習慣一個又一個閃過既火花,習慣內心空洞既感覺,習慣自己搵方法填補寂寞,習慣唔再喊.,習慣大個女d d. . . . . .

過左成年,慣左自己一個人過既多不勝數既節日,多不勝數既假期,多不勝數既日子,話快唔快,又黎到我既生日. . . . . .
“你生日果時同你食餐飯好無呀?”一貫既氹細路式口吻。
“好。”

過左成年,終於到左再見面既日子。出發前,心情異常複雜。
唔知佢變成點既樣呢. . . ?
唔知佢對我有咩感覺呢. . . ?
唔知自己會有咩感覺呢. . . ?

唔知點解硬係有少少想喊既感覺。都唔知做乜喊, 你唔係已經習慣左喇咩?係呀,習慣左喇。係咩. . . ?

佢就企左係前面個街口,由細細粒變大緊。
想喊想喊唔好喊, 頂住喎。

對望, 硬係覺得想避開視線或者任身體接觸。
目無表情, 野又唔講多句。因為要忍住唔好喊。

好似探監咁. . . . . .
“拿,呢樣係你鍾意既乜乜乜, 你攞返去得閒既時候睇啦。”
“拿,呢樣係你用開既物物物, 你返去自己慢慢用。”
“哦。”

食飯 . . . . . .傾近況 . . . . . . 笑 . . . . . . 大笑. . . . . .唔笑. . . . . . .笑. . . . . .
唔想喊ru~

返屋企. . . . . .上斜路. . . . . .byebye. . . . . .上樓. . . . . . 接電話 . . . . . .收線. . . . . .
終於. . . . . . 落出雨喇. . . . . . .

索索鼻水. . . . . . 喊完. . . . . . .沖個靚涼. . . . . .爽哂. . . . . .
有冇人肯收養呢隻寵物呀?

我要檢舉

台長：吹時

人氣(65) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

回應(0)