24h購物| | PChome| 登入
2005-02-22 17:50:16| 人氣68| 回應0 | 上一篇 | 下一篇

享受諾言

推薦 0 收藏 0 轉貼0 訂閱站台

講果一刻,我相信係真心既。所以,你應該好好咁享受果一刻既甜蜜感覺,盡情咁享受啦!儘管之後佢會反悔。
我可以話比你知,反悔既機會高達85%以上,但係開心時盡興,一向都係我做人既宗旨。希望當下一次有人向你許下諾言既時候又或者有人為我許下諾言既時候,暫時忘記呢一段說話,盡情咁享受啦!
但事後,又希望呢段說話會慢慢咁湧現係你腦海既一角,因為雖然高興時要盡興,但係唔想受傷既話,就要清醒。其實點都會受傷,有付出就有傷害。但係用輕傷黎換取曾經既盡興,我個人黎講,覺得係幾抵下既~

“又話唔會呃我既?”
“......”

“又話唔會好似佢咁hurt我既?”
“......”

“又話只係愛我一個既?”
“......”

當你流住眼淚, 用力咁由體內深處擠壓出以上既說話,而換黎既只係沉默既時候,會唔會又記得返我呢一段說話呢?

諾言,可以相信,但請你盡快忘記,又或者唔好寄予太多希望......
如果自己可以控制到自己既話......

我要檢舉
台長： 吹時
人氣(68) | 回應(0)| 推薦 (0)| 收藏 (0)| 轉寄
全站分類: 圖文創作(詩詞、散文、小說、懷舊、插畫)

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文