一個人既晚餐＠自體實驗｜PChome Online 個人新聞台

2005-01-16 21:17:09| 人氣88| 回應0 | 上一篇 | 下一篇

一個人既晚餐

推薦 0 收藏 0 轉貼0 訂閱站台

一個寒冬既晚上,我屋企無飯食,又得自己一條友係屋企,唯有走落下面間麵店度食個麵。曾經我有諗過唔食,曾經我有諗過叫外賣,又曾經我又諗過買外賣返屋企,又再曾經,有諗過叫朋友仔出黎食。但係呢d咁既主意,後來都比自己一一ban返哂。

唔食,會肚餓,肚餓都唔止,會手震,會做唔到野,諗唔到野。
叫外賣,叫得果一個人既份量,邊個後閒同你送呀?有一間係屋企附近既食日本野既會送既,不過佢d態度又唔好,d野又唔好食,無謂迫自己受苦又受氣。
買外賣返屋企,好唔環保喎,食完又要keep住d垃圾,不如拿拿林係出面食左佢算。
叫朋友仔出黎食,呢個應該係最開心既解決方法,但係我呢排又忙到嘔,無理由叫人出黎陪自己食一個飯之後即刻返屋企架~你估個個都好得閒咩~又咁凍~

於是,我就自己一條友走左落去下面果間麵店度食左個雲吞撈麵加腩汁。
又係呢一間野,記得上當年仲有拖拍既時候都有同佢黎食過……
我揀左個全鋪最偏僻最無人見到既角落頭卡位坐低,仲要背住門口既,慌死會比人見到咁,最好有埋黑布矇面啦。好彩呢個時候,間鋪頭無咩人,個心都好過d。
一坐低,個亞姨問我幾多位,當我講出一位果一下個心其實幾難受,就咁就戚左一下。

亞姨又問我”要d咩呢”
“要個雲吞撈麵加腩汁”
“仲有冇野要呀?”
“無喇喎……唔該……”

係我等呢個雲吞撈麵加腩汁既時候,我心諗,希望唔好突然間有一大班人衝入黎,仲要係我識既,好彩,由我開始食呢個雲吞撈麵加腩汁到我出呢個門口,呢件事都無發生,都算上天對我唔錯架喇。

“雲吞撈麵加腩汁”
“唔該”

以?點解無腩汁既?係喎~幫我落單果個亞姨係蠢果個黎架喎……算啦~唔加就唔加啦,只係希望快d食完個雲吞撈麵無腩汁快d走人。
一食落口果下,以,點解咁難食既呢,以前食明明都無咁難食格,唔理喇,快d食完佢啦,我食食食食食,食到中段,真係好難吞得落住麵……
其實我心裡面好明白,唔係個雲吞撈麵無腩汁難食左,係我個心好難過姐……

一個人係出面食野,真係好難食架……

我要檢舉

台長：吹時

人氣(88) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

回應(0)