我今朝犯左一單案(唔準笑我！)＠自體實驗

2004-06-28 10:59:35| 人氣88| 回應0 | 上一篇 | 下一篇

我今朝犯左一單案(唔準笑我！)

推薦 0 收藏 0 轉貼0 訂閱站台

死喇，今日係公司生左個仔。
都無辦法，急起上黎，真係好難頂家嗎，其實我都考慮左好耐生定唔生好，但係當你係公司無野做，而又好急既話，亦即係話你唯一忙既野就係急既時候，直情可以話係迫你埋牆角，唔到你話唔生......
爭扎左一輪，好啦，終於忍唔住要生啦，於是我就盡量以最唔引起人注意既動作，走入廁所，以最快速度生佢出黎，點知......死！好臭！於是我就立即停止生產，希望盡快離開案法現場，應該可以減低我犯案既嫌疑，因為犯案都需要時間家嗎。
係離開現場之前，當然唔少得毀屍滅跡啦，我拿住擺係廁所果舊空氣清新劑，好似作法咁係咁搖，發覺未夠，再拿起支洗手液係咁唧，塗滿我雙手，好彩支野都勁香，我諗應該可以將陣味cover到一大半既。
唔知係咪我留係現場太耐，我開始聞唔到屍體既氣味，因為咁，曾經都有一陣慶幸既感覺而露出勝利既微笑，但係經過一秒鐘冷靜之後，我發覺可能只不過係由於嗅覺既麻痺而令到我聞唔到味，於是我立即繼續我既毀屍滅跡工作。勁唧洗手液出黎，除左洗手之外仲洗埋個洗手盆同埋水龍頭，務求盡量將香味粒子既表面積增加，令到佢既香氣發揮到最高點。
唔得喇，要快手d先得喇！我搞掂之後即刻逃離現場坐返係個位度扮無野咁繼續工作。
但係仍然受到內心既折騰，係度諗......
「唔知頭先既氣味會唔會中途己經滲左出去外面呢？」
「唔知會唔會己經比人發覺左呢？」
一見到有人行近案發地點我個心就好不安，「千祈唔好入去呀！」
「就算有人入去，都千祈唔好係最多野講果個人入呀！」

過左一陣......
有人入去！好彩佢出到黎無咩異樣。尚算平安。
死喇！我最驚果個人入去呀！一聽到佢開門既聲音，我心跳立即加速.....「拿，出黎果陣千祈唔好大叫呀。」
卜卜，卜卜，卜卜，卜卜，卜卜......
好彩，佢無，都叫做平安過渡，希望佢唔會靜靜雞走去話比人知啦......
如果佢無咁做既話，希望經過時間既洗禮，會令到件事快Ｄ丟淡......

如果比人發現左，我係公司既前途就盡毇架喇！
為左排解我既不安，於是我就係埋位之後寫左呢篇文章，以釋放我心中既鬱抑。

我要檢舉

台長：吹時

人氣(88) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札) | 個人分類: 無聊小花癲 |
此分類下一篇:久旱逄甘露

回應(0)