自體實驗 吹時嘗試以己身進行實驗，將一套人人由細到大從益智卡通片灌輸之，但少數人會真正實行之價值觀，套用於自己身上。(假設套用方法正確) 再走入人間生態缸，在任由其他獵食者宰殺之前，作出最大反抗。 以証明自己所相信的價值觀，是我正確的選擇。 在此進行詳細紀錄，期待漫長實驗所結之果。

216愛的鼓勵 0訂閱站台

對於星座，我以前都無乜感覺，最多都係會睇下每週運程，睇完就算
成日都有星座分析性格既文章，我都覺得ok準丫，不過都係睇完就算
但係到左而家，我真係唔可以唔相信，直情到左有陰影既程度

話說我識得一個雙子座既人，個樣好戇居加老實，而佢既行為都係戇居加老實
於是我就覺得奇怪啦，雙子座明明係醒目野黎架喎，點解可以咁戇居加老實既呢？呢個一定係特殊例子頂喇～
識左佢三年之後既某一日，東窗事發，原來我比人呃足咁耐，果時我先至彷然大悟，原來佢真係雙子座黎架，我忘記左，雙子座係有雙重性格架！

話說我係金牛座，而金牛座既特徵係固執；貪錢；勤力；平時好好蝦，但係當真係激到佢好嬲既時候......
拿，固執，我認架，我娘一直都話我係硬頸怪，由細到大都咁硬頸
貪錢，其實我都唔算太貪既，我又唔似其他女仔咁勁去街勁買野，我自閉架嗎，連街都唔出，邊有機會洗錢喎，要咁多錢黎做乜丫～（我本來都咁諗）
勤力，如果要我話自己勤力，好似好怪咁，但係我某程度上真係幾勤力架喎，至少係學校我都算係勤力果隻丫～但係一返到屋企，我就成pat野咁撻左係度唔願郁，係懶到爆果隻，咁我究竟係勤力丫還是懶呢？
最後果點，可能見過我既人都唔係好信我係個好好蝦既人，但係我可以話比你知，我真係好好蝦架，比人蝦都唔識出聲。我最多都係得個樣惡架咋，真係好好蝦架......但係當你真係有本事整到我好嬲既時候，我會控制唔到自己，我真係會暴走架，係限定時間內破懷哂方圓一百米既所有野(包括我自己)，直至我回復神志清醒為止。

同金牛座最夾既星座係處女座(以？咪我亞爹？)
金牛座受金星影響，所以對美有一定既追求，金牛座既勤力可以係咁多個星座之中最配合到處女座既力求完美。
講就咁講囉，但係我勤力與否都仲係一個迷，再加上我係屋企係懶到出汁既........但係呢，我覺得我亞爹既taste都幾ok架喎。佢無學過藝術，但係我見到佢係幾鍾意Art Nouv既，好似以前舊屋果盞吊燈，新屋既窗花，梳化，雖然套梳化我覺得麻麻，但係舊果盞吊燈同新窗花我都幾鍾意，反而而家果盞吊燈就......

金牛座最唔夾既星座係雙！子！座！！！！！簡直係勀星！
雙子座靈活應變，金牛座固執己見。簡單黎講，就係雙子座太狡猾喇！戇居居既金牛座於是就咁比雙子座係咁起勢地呃呃呃！太過份喇！以後都唔同雙子座既人拍拖呀！

好大陰影......真係好大陰影......