白日夢在春末初夏的夢貓貓 死亡不是生命的終點 遺忘才是 做人唯心而已

207愛的鼓勵 0訂閱站台

呢間餐廳位於佐敦佢，點搵到佢，咪又係openrice囉，真係一個超好介紹既網頁。
其實呢間野，係好耐之前去試，甘耐都吾放上blog，都係一個字『懶』，呵呵~

癈話完，都係介紹一下呢間餐廳，去呢間餐廳，係因為同曹去左“圓方”睇電影，睇完電影就更係要去搵野食，其實係佐敦區，真係吾少美食，而呢間都真係值得一試既。講下環境，佢位置係後街，吾係搵左資料，平時一定吾會行經，佢既裝潢好似舊式既美式餐廳，人吾係好多，暗暗地，都可以算得上叫舒服。

兩個人，好在都食得下，叫左幾樣野食，每樣水準都好平衡下既，紐西蘭生蠔頭盤─真係好大隻，如果係鍾意食生蠔既人，一定會有驚喜，一盤2件，手掌甘大，正！仲叫左豬手餐、焗田螺、牛扒.....(吾記得仲有咩添......弊)，總之食得好味又飽飽，加上最後有甜品送“朱古力脆皮雪糕球”，不過呢個係我覺得最一般既食品。

有幾會去開佐敦又有興趣食下西餐，記得去試下啦~~