第二次的“每月一廚”，帶有少少失誤地順利完成了，今次的目的地係Wing Wing媽的家中。
去到Wing媽屋企，大家都已經到了，而主角之一既小公主就專注的為屋企既小金魚睇緊病(正確黎講，係佢扮緊係到幫d小金魚打針，哈哈哈)。而屋主，就好忙碌甘為我地張羅(辛苦曬)。
今次大家都有少少失誤，其實我係覺得ok啦，因為我比較重質多於外表，煮婦嘛，賣相緊要，但味道就更重要，呵呵呵呵~~
今次首先介紹既係主人家Wing媽既主菜 ~ 蜜豆百合彩椒抄肉片
(仲有靚湯 - 節瓜鹹蛋肉片湯(好味)，及煮得綿o左少少既白飯(呵，不過我愛軟飯喎)
味道同賣相都好靚既一道菜，不過我都係今日先知豆角類係要前後都去邊的(因為我吾係好食的，呵呵呵)，肉及青紅黃椒都好入味，吸曬d蜜豆味，味道不錯，正！
自家妹子整既 ~ 雞柳扒蛋白豆腐
其實味道我覺得不錯啦，就係失敗在豆腐太嫩加上搬碟失誤，而令豆腐變成豆腐花狀....
『材料：
雞柳4條、蛋白2個、豆腐1磚、蔥粒少許、鹽1茶匙、麻油1茶匙、蠔油2茶匙、胡椒粉/粟粉各2茶匙
做法：
1) 雞柳洗淨去筋切粒，用鹽、胡椒粉及粟粉各1/2茶匙略醃備用。
2) 蛋白拂勻備用。
3) 蒸鑊內放置高身碟，與冷水一起煲滾，豆腐加入蛋白、鹽及少量清水拌勻，慢慢傾入已右熱的高身碟內蒸5分鐘，關火焗10-15分鐘。
4) 加熱炒鑊落油，放入雞柳以中火炒熟，加入麻油及蠔油炒勻。
5) 將雞柳鋪於豆腐上，灑蔥粒即成。
提示：
今次用了百福蒸滑豆腐，太滑的關係，加入蛋白拌勻已成豆腐花狀，建議用較硬身的豆腐；如略嫌雞柳顏色不太吸引，抄時不妨加入少許老抽增加色彩。』
林太小菜 ~ 蕃茄釀豬肉
講真，真係意外的一道餸，因為無唸過可以將豬肉釀入蕃茄，感覺難度頗高，不愧入廚30年的大廚(呵呵呵)，味道不錯，不過吾知下次我自己整吾整到呢，都真係要試一試。
李太小菜 ~ 麵豉免治豬肉
配飯一流既菜色，個人很喜好碎肉，不輪是抄的是蒸的都很好味道！就好似之前甘講，個賣相得，味道亦得，不錯不錯~~
自家出品 ~ 蓮藕餅
本來食譜係教將蓮藕磨蓉mix埋碎肉整成餅狀，不過我覺得見到個蓮藕型好似靚d，所以沒有跟足。很久很久以前曾試過煎蓮藕餅，可惜失敗了，不過今次就成功了，好在好在~~
『材料：
蓮藕1條、絞肉20元(係有多的)、蛋1個、蔥碎(依個人喜好)、香菇4個(浸軟切粒)、蝦米1大匙(浸軟切粒)
調味：
鹽1小匙、蠔油2小匙、糖1/2小匙、米酒1小匙、太白粉3小匙、麻油少許、胡椒粉1/2小匙
做法：
1) 蓮藕去皮洗淨切片，用水煮約10分鐘撈起放入冰水冷卻，後隔水待用。
2) 絞肉、蛋、蔥碎、香菇及蝦米拌勻並加入調味料一起順同一方向攪拌至帶有黏性，用筷子平均舖於蓮藕片上，並拍上少許太白粉。
3) 起油鑊，放入3-4大匙油，把蓮藕餅放入，輕輕壓平，煎至兩面金黃色盛起即成。
提示：
因為怕蓮藕吾熟，最好先用水略為滾一會，而且蓮藕會帶有黏性，較容易黏上肉碎；下鑊煎時，先煎碎肉那面，因肉較易熟，蓮藕那邊可以略位煎久一點。
今次的甜品 ~ 維也納牛油果醬酥
做出來的感覺好像曲奇，不過再鬆軟一點，口感不錯，不過個人覺得略甜了一些(妹子就話ok)。
『材料：
牛油200克、糖霜30克、麵粉150克、栗粉50克、雲呢拿香油1/4茶匙、果醬1/4杯、糖粉適量(灑面用)
1) 預熱焗爐(190oC)
2) 以室溫溶化牛油，加入糖霜打至鬆軟，篩入麵粉及粟粉，用木匙攪拌，拌勻後加入雲呢拿香油後再攪。
2) 把材料放入唧筒內(用2cm花嘴)，以螺旋形的方式唧入小紙杯內，以190oC 焗20分鐘。
3) 待牛油酥稍涼後，灑上糖霜，然後將果醬加到酥上即成。』
每次，都總有些小插曲發生，這次，不就是那兩位貴人有事不能出席啦，其實都是意料之內，她們來了，倒是意料之外。
想不到Wing媽家有我鍾情的“Wii”玩，一知道有Wii，二話不說就當然是立刻開戰，小公主年紀細細，玩得一手好Ling(保齡球)，真的技驚四座，不過...看到她的玩法，真替她媽媽擔心，一來怕她的小手臂會扭傷，二來她每一下都把手制打到背上，真擔心她的肩背會腫了起來，小朋友真的玩得很放喔。
看著小公主和媽媽一起玩的樣子，好幸福啊...
文章定位：
