24h購物| | PChome| 登入
2008-01-29 00:26:42| 人氣222| 回應3 | 上一篇 | 下一篇
推薦 0 收藏 0 轉貼0 訂閱站台

實驗廚房新年篇 - 紅磡

今次整野食既地點係我屋企，記得聖誕節整薑餅人既時候，唸過跟住既新年要試整蘿白糕，言猶在耳，好快就實踐o左，可能今次都整得好成功，所以吾明點解d人話蘿白糕係好難整既(自大得我呀~)。


臘味蘿蔔糕製法:

材料: 五斤白蘿蔔 、 一斤粘米粉 、 臘味 (可用臘腸，臘肉)，蝦米，瑤柱適量 、 薑片 二至三片

調味: 雞粉 兩至三匙 、 胡椒粉 適量

1) 將蘿蔔去皮咆絲備用，把蘿蔔絲與蘿蔔水分隔開，水備用。
2) 臘味，蝦米切粒，瑤柱浸軟拆成絲。
3) 將粘米粉用(1)的蘿蔔水開成備用，五斤蘿蔔的水已足夠，不用另加開水。

4) 將(1)的蘿蔔絲用白鑊以薑片起鑊中火炒熟，約十分鐘，其間要不斷反拌免黐底，下雞粉，胡椒粉調味。

5) 由於(4)的蘿蔔絲會出水，拌勻時要不停把蘿蔔水“筆”起。用碗把熱的蘿蔔水裝好備用，切勿把熱的蘿蔔水放進(2)中，因糯米粉遇熱會形成膏狀隨後難以攪拌。 (p.s.可能因為我地揸水揸得太好既關係，並沒有出水的情況，笑~)
6) 把(2)的材料落鑊略煮至“淋”身，“筆”起部份備用。
7) 將(5)逐少放入(6)中炒勻，去薑片。

8) 關火後逐少地把(3)加入勻炒，要不斷反拌，一匙一匙甘加入，切勿心急!!!
9) 糕糊略為杰身，將鋁蒸盤掃上適量食油，放進(8)，把(6)放上蘿蔔糕面，大火蒸45–60分鐘即成。
兩位負責揸水的小姐，被蘿蔔刺激得雙手又紅又痕又痛，幸好並無大礙。
其他重點~
a) 蘿蔔要揀重手，即水多。
b) 由於冬菇容易變壞，如於兩，三天內食用方可加入冬菇粒
c) 五斤蘿蔔約可製成三盤一斤重的蘿蔔糕 (亦即約三盤美心蘿蔔糕)
d) 用鋁蒸盤較受熱
e) 製成的蘿蔔糕只可儲放約個半星期


《睇我地個樣，就知有幾成功啦，嘩哈哈哈~》

我要檢舉
台長： 夢夢貓主人

您可能對以下文章有興趣

人氣(222) | 回應(3)| 推薦 (0)| 收藏 (0)| 轉寄
全站分類: 心情日記(隨筆、日記、心情手札) | 個人分類: 為食貓廚 |
此分類下一篇:快速整cake
此分類上一篇:大理石抹茶蜂蜜蛋糕

我要回應
Ada Yeung
妳哋好叻呀!
2008-01-29 09:47:53
版主回應
5個人一齊整，同心就事成啦~
2008-01-31 14:22:48
man man
好似好好味咁呀....!
2008-01-29 23:59:03
版主回應
嘻... 我妹因為食吾到(佢隻腳有事)，我話我下次會再整，預埋你個份?
2008-01-31 14:24:05
JoJoGirl
哈哈, 你呢篇 blog 係咪打得好快呢....我要同你收反版權稅先得!!! 不過, 其實我打錯咗一樣好重要既野...登..登..登..登...就係&quot糯米粉&quot喇! 其實係&quot粘米粉&quot先啱呀!! 買錯咗就大鑊啦!!
2008-01-31 11:24:27
版主回應
大家甘熟，你吾會甘計既(奸笑3聲)~~
係? 甘我要改返先。
2008-01-31 14:25:08
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文