本故事純屬虛構,如有雷同,純屬巧合…..
當今武林上,奇人異士,多不勝數,直達百花爭鳴之地步..當時候,有一位小伙子,名叫少希,對於武學之熱衷,不比任何人為少,然而佢o既資質,奇差無比,所以不停向其他武林高手求教各種各樣o既絕技…不過,正值呢個時候,武林上發生一件怪事,因為入面出現o左一個怪人……
呢件事大約係發生係三個月…一位外號稱為’西毒’o既正派俠士,因為苦練一本武學秘笈”現代漢語小字典”,而導致走火入魔,行為變得異常怪異,經常o係各門各派切磋武藝時,趁人一有空隙時..就使出o係”現代漢語小字典”入面o既招數,暗箭傷人,以指出對方武功o既漏洞….雖然佢心係想指點人,不過佢呢種放暗箭o既做法,又會傷到人,又未必指出到正確o既練武方法…所以為其他武林正道所不恥…由於佢不停攻擊武林中人,少希都一直跟蹤佢…直到一日,少希終於見到一位叫高仁o既俠士忍唔住,就同佢打起上o黎喇…
高仁:”敢問大俠高姓大名?”
”哈…你配知咩??好,我就等你死得眼閉o的..本俠大名馮自改,人稱詞魔…乃當今天下第一 !”馮自改用高傲o既聲線講出….
高仁對此人高傲之性格大為討厭,冷語一句:”閣下天下第一,乃閣下自己o既事!何以要傷及無辜?”
馮自改道:”咁係佢o地無能..本人指點其他人,係要增加自己武功,搵出佢o地o既缺憾,係可以令自己唔犯同樣錯誤…”
於是以一招短劍飛向高仁…須知道”一寸長,一寸強;一寸短,一寸險”一般武士所佩帶都係較長o既武器,雖然攻擊力強,不過又由於太長,使出來難免總有死角…馮自改就係睇穿呢個漏洞,所以改用短少o既武器攻擊…因為短劍太短,並無甚大死角..高仁一時不提防…就受o左傷…
高仁心有不忿道:”你….你….你暗箭傷人,算咩好漢?”..
馮自改又係一貫作風,大聲咁講:”哈哈!!!呢o的係你未夠班..我唔係係人都傷…你都係又紮馬學起啦,你唔配同我打呀!”
高仁更怒,便道:”為何你又唔攻擊其他武功高強o既人士呀??唔敢???”
馮自改道:”唔係敢定唔敢,而係願定唔願!!!”
高仁由於唔想同佢糾纏,所以用輕功走o左…已經盡量避開佢..希望令佢自動醒覺..不至為禍武林…..於是,一走就走o左三個月…由於高仁再不阻止馮自改,結果馮自改更加變本加厲……
三個月後,武林另外一處…武林小伙子少希,正向o係江湖間著名o既風流少俠----陳笑迪,請教武藝..正當陳少俠好耐心咁教授少希時,馮自改又趁陳笑迪出現空位時,暗暗攻擊…陳笑迪一笑:”多謝大俠指點!未知在下此招,有冇缺憾?”於是使出另一招有所缺憾o既招數出o黎…..
馮自改臉上一紅,心道:”為何我方才看不出??,難道我唔係天下無敵??唔得,唔可以衰畀佢睇!”..於是囂張咁講:”你唔好話我知你係故意….”
此話一出,立即觸怒風流大俠陳笑迪…正當想兵戎相見之際..馮自改自知不敵,所以立即用遁地法逃走,避免正面交鋒…..
陳笑迪風流倜儅,無論琴棋書畫,文才武略,樣樣皆精….一次和另一位世外高人正o係度欣賞荷花時,突然講起詞魔馮自改….原來和陳笑迪一齊賞荷o個位高人..乃是已退出江湖但係赫赫有名o既大俠雁高燕..雁大俠同陳笑迪講出馮自改o既來歷..笑俠陳笑迪就對馮魔頭更加憤怒…正式向詞魔馮自改宣戰….
一開始,陳少俠演奏古曲引馮自改出來…咪以為睇落去呢幾句曲詞溫嫺婉順…那知道此曲句句精妙,句句皆為入骨傷敵之奏…嘩,正所謂”談笑間,檣櫓灰飛煙滅”…終於馮自改忍唔住樂聲..走o左出o黎…連續突擊陳笑迪,雁高燕兩位俠士..
馮自改道:”陳笑迪..你的武功不純,當以我本”現代漢語小字典”為正宗之學….”
雁高燕乃世外高人,對馮自改之言,只一笑,並問道:”何以見得?”
馮自改自滿的道:”哈哈…本人係睇其編寫班底而定!!此本秘笈,實為當代北方一批武功高強之人所合寫!!!” 跟住繼續發短刀..
陳笑迪笑道:”馮老頭,此言差矣..此言差矣,笑迪剛才之曲,實習從古而今,至高武林北斗,各負盛名之作…難道不比閣下之武功正宗嗎??”接著再演一曲….
此曲更加聲震天地,引得武林各人士都前來觀戰..有俠士高仁,智者妙森先生,俠女飛深等高人分別聲援陳笑迪,雁高燕的義舉…武林小伙子少希與馮自改有一面之緣,知道戰鬥繼續,不出三個時辰,詞魔必敗,而且少希而並不知馮自改過往之惡行,所以向其他高人求情….那知馮自改不能領情,更出手傷害其他人….少希又得高仁曉以大義,終於站在”討詞魔”之列….少希再看看那邊,陳少俠,雁大俠正與馮詞魔戰至天翻地覆…馮詞魔祇出短劍,武林中人都奈他不得…然而,雁高燕以一招”恥笑惡行”,逼得馮自改得短劍而不能使,而轉而使用其絕學”自玄其雪”..唉…此招乃係一招防禦奇招,使出後雪花紛飛,玄幻無比,使人無從得以埋身攻擊….不過,陳笑迪見佢未出招時一有空隙,又o黎一招攻其不避,所謂’以彼之道,還施彼身”…馮自改自命英名一世,那知今日陳笑迪會用佢自己o既一招去攻擊佢呢?正當陳笑迪長劍直達馮詞魔頸項之際,居然手中長劍斷為兩截…陳笑迪覺得好奇怪:”為何劍尖觸處好似碰到鋼鐵咁硬?”..
原來馮自改頸中練有”鐵布衫”神功,其頸之硬,可謂刀槍不入也,此招另有別號”死牛一面頸”….馮自改死裏逃生,於是一手執矛,一手執盾,用矛盾去應戰..這時候,所有武林人士,均知道馮自改大勢已去..不忍再繼續攻擊...不過,馮自改不肯認輸,仍然認為自己係最強…所以繼續向武林人士攻擊…於是此戰將繼續….
至於場戰役要到幾時先結束……恐怕短期之間,未有分曉……..
(未完待續)
文章定位：
