24h購物| | PChome| 登入
2002-10-09 01:41:15| 人氣128| 回應0 | 上一篇 | 下一篇

自編小諷：對話

推薦 0 收藏 0 轉貼0 訂閱站台

　　二ＯＯ二年十月某日，深夜一時許，小城某戶一對小兄弟，小曦和大曦在觀看該個時段的音樂節目．當節目播出一首由近兩年在港澳都極受歡迎的年青歌手－－謝檸檬的ＭＶ．作為哥哥的大曦，想借題教導小曦知道盲目偶像的壞處．．

便道：”小曦，千祈唔好迷謝檸檬呀，更加唔好學佢，你睇下，佢要坐監喇！”

年僅十歲，作為極端檸檬迷的小曦當然不忿，便道：”檸檬冇做錯o野，唔應該要坐監！”

大曦：”佢有好多壞習慣，比如食煙啦～”

小曦哼著：”改不了你那壞習慣～～～”接著又的道：”車，你睇下澳門街上面Ｄ警察叔叔丫，好多個都著住警衫食煙架啦，點解冇人拉佢地o既？！”

大曦無言以對，道：”但係佢唔付責任喎！”

小曦：”爸爸話呀，佢都好過Ｄ人做錯野淨係識講　’今日天氣好好呀’　啦！”

大曦：”但佢開快車呀！”

小曦：”週街Ｄ綿羊仔都開得好快啦，何況我睇報紙講話佢o架發啦啦好快架！”

大曦：”佢支持粗口樂隊喎，o拿，係咪唔Ｏ岩先？”

說時遲那時快，小曦與大曦的爸爸在房裡怒吼：”＠＃＄＆％！你倆個嘈夠未呀！唔Ｘ駛訓牙？！你o地聽朝仲要返好早架，聽朝起唔Ｗ到身點算？快Ｙ　Ｄ訓覺！唔係我就打Ｚ死你o地！”

小曦與大曦惟有低下頭，慢慢地進房，那時，小曦在奸笑：”哈哈，爸爸都講粗口啦，有乜咁大不了喎，況且我同我Ｄ同學仔都講，哈哈，哥哥傻仔呀！！”

兩人在床上躺了一會兒，忽然大曦說：”拿，臨訓前我終於記得喇，佢一定要坐監，因為佢搵人頂包！”

小曦想了一回，卻回答得極快：”哈哈，哥哥你又錯喇，邊個話頂包要坐坐監先？！哈哈，你記唔記得上個禮拜媽咪鬧你打爛佢花樽，佢鬧得好厲害添，哈哈，其實係我唔小心整爛架！唔見有黎拉我既？！？哈哈，好彩我學左檸檬咋，如果唔係一定畀媽咪鬧到飛起，呵呵～哈哈～～嘻嘻～～檸檬萬歲！檸檬萬歲！！”

大曦：”．．．．．．”(無言以對＋整晚失眠）


筆於2002年10月8　（本故事純屬虛構）

我要檢舉
台長： 小曦

您可能對以下文章有興趣

人氣(128) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札) | 個人分類: 模仿作品 |
此分類下一篇:模仿作品：諷詩一則
此分類上一篇:模仿作品：＜＜虞美人＞＞禍

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文