告訴我 每天都要讓自己大笑三聲．．．．有益身體健康唷！！！！

14,417愛的鼓勵 40訂閱站台

今仔日是啥日子？

透早進入辦公室，拍開電腦準備欲簽到。雖然開機程序真順利，那知網路訊號一直送袂出封包，可是手機仔卻是傳出網路通順的信號？這是啥物場面啊？

身為電子工程師，馬上關掉路由器進行重新開機的動作。時間已經超過七點四十，完成網路簽到的時間拄好七點五十八。

電腦統計，下班簽退時間是下埔四點五十三分。

為著省一張理由申訴，以及頂司簽字的麻煩，下埔請了一點鐘假提早下班。現在完全網路作業，電子文件透過網路送出，直接進入職務代理人的電腦軟體當中，一關一關往頂面傳上。

不過進入高捷西子灣站一時間才想著，跡一點鐘的假，現了十七箍銀！

坐半年外的高捷，每日愛佇美麗島站換線搬車。美麗島站明明佇地下，偏偏號作美麗島，聽講頂面（地下頂面嘛是地下）是多彩的玻璃號作「穹頂」！

應該講是地下室的天花板，卻是號作「穹頂」趁著今仔日早下班，來去參觀看邁啥物是「穹頂」？

靠近「穹頂」時愛先「出站」當捷運卡感應過，心裡對咧「Bi」一聲，因為小等欲回高雄站坐火車，美麗島站到火車站一段愛十七箍銀。但是因為出辦公室租踏高捷的鐵馬到西子灣站，半點鐘內免費而且搭捷運閣省四箍銀。

所以維美麗島站到火車站一段十七箍銀，是好奇的代價。

進入穹頂的界線進前，已經有聽著弦仔聲。雖然技巧差不多，不過節拍亦算是準確，但是聽袂出來是卓一間音樂公司的作品，個人所收藏的CD裡面嘛無印像。

忽然間發現穹頂下的正中心，坐一位全身粉紅色打扮，頭面蓋一領白紗巾看袂清生作，雙手套著深紅色的手籠，倒手扳著弦線正手抽弓……這？手，套著手籠會當押弦調出聲韻……這……這算伊利害！

真正無兩步七仔，呣敢佇面前放一咖籃仔，欲乎人投下銀兩啦。

穹頂？這穹頂是因為這街頭藝人表演好迭陶？亦是平常時有啥表演？就是因為如此這般，號作美麗島？（歹勢！這段我是講白目話而已！）

今仔日歸日是心頭一直袂清采，有一點悶猶閣歸日無事。

拍開手機看著月曆記事頂面的農曆，原來今日是阿爸的忌辰。十外年來，為著無愛阿母想起過去，大家已經講通和，祖先全部在重陽迄仝作忌祭拜。

不過拄遮猷閣掀著迄篇「魂歸來兮」唉……。（2013.02.21夜）