25-11-06
星期六返工，有好有唔好，好0既當然係有好大機會見唔到主任─唔係唔鍾意主任，只係始終冇人睇住，做0野都會free d；唔好0既就係有時太free啦，加上第二日放假，holiday mood冇晒心機做0野@@
結果今日一邊做ICP，一邊開MSN同人傾計，原本約0左小琳妹子去online friend娜娜間日本餐廳dinner，因為之前我0地都應承娜娜去捧場，但後來我隻腳整親連街都出唔到，趁而家好返、明媽又唔得閒煮，就去搵0下娜娜。
晌MSN同Kathie傾傾0下，知道佢返到呢個月尾就resign，於是諗住同佢慶祝一0下，因為呢份工俾0左佢好大壓力，而家可算係一個解放啦，但係佢last day果日我要開staff meeting，同唔到佢出去，於是「擇日不如撞日」，就今晚去埋娜娜間餐廳賀埋佢啦~~~~
去到坐低無耐，娜娜已經好熱情咁送0左個芒果蟹子沙律俾我0地，我0地一路食沙律一路睇餐牌，慢慢都覺得飽飽0地(-_-“)……不過晚餐只靠一個沙律係唔得0既，所以我0地就叫0左一個飯、一個麵、兩件花之卷同兩件三文魚壽司。
上檯，原來樣樣都好大份，飯同麵大唔在講，連花之卷同三文魚壽司都份量十足，花之卷大大件，用三塊三文魚包住，上面d蟹子多到0丫(小琳話好似唔駛錢咁……)；三文魚壽司d飯就好似一般0既分量，但係塊三文魚長到好似真係一條魚咁，加上兩粒粟米做眼，幾似隻蝦！
開頭以為我0地識娜娜先有咁大件，後來發覺原來檯檯客0既0野食都係咁大份，大胃王絕對可以0黎試0下，店名係「千之壽」，地址：元朗馬田路80號御庭居地下(元朗劇場斜對面)(盛惠$88,888廣告費0丫娜娜~~~~)
後來娜娜得閒d，就坐埋0黎同我0地一齊吹水，內容梗係同「卡巴拉島」有關啦。雖然我好努力咁做翻譯，但係可憐0既Kathie仍然係聽到一頭霧水，不過聽0左成晚，Kathie對卡島都有一定認識，仲俾我同小琳游說到打算一齊玩tim ^^v
文章定位：
