自戀影院＠水晶天堂｜PChome Online 個人新聞台

2006-11-23 22:33:25| 人氣84| 回應3 | 上一篇 | 下一篇

自戀影院

推薦 0 收藏 0 轉貼0 訂閱站台

23-11-06

阿yiii係我响卡巴拉島入面識得最耐嘅game friend，由佢lv 10我已經識佢，佢更由舊天天跟住我到而家嘅新天天。佢嘅裝扮同我一樣，都係綠色頭髮、白衫白褲白鞋，所以佢係「女版仁宇（仁宇係我响卡島嘅名）」，而我就係「男版阿yiii」。
如果响現實世界中，一個人可以分成男女兩個version，自己同自己談戀愛，幾好！
每個人都會有若干男性特質同若干女性特質，咁樣先可以構成人嘅唔同性格。我以前覺得自己男同女嘅比例係七三，甚至係六四，所以我可以同女仔好投緣，講化妝、揀衫、教佢們追男仔，甚至有感情問題或者失戀之後，佢們都會同我訴苦，簡直係姊妹一樣，而佢們嘅男朋友都識我，點解？因為佢們成日响男朋友面前提起我囉…
果段時期嘅我，對自己掌握得好充分，亦好有自信，甚至可以好客觀咁寫篇文章去形容、描述自己。但係而家，女性化嘅我已經越嚟越小，變成一個硬朗但不解溫柔、堅強但唔識體諒他人嘅「專業人士」，亦對自己越嚟越唔認識、唔了解。好想將自己一分為二，分為男版同女版，跟住自己同自己談戀愛，又可以唔駛會驚分手（斷估分唔到啦），又可以試吓觀察自己對另一半有咩缺失，到找到所愛嘅人時，就將男版同女版夾返埋一齊，用兩個心去愛一個人……咁就perfect啦！

我要檢舉

台長：少明哥哥