17-11-06
雖然傷患仲未好返，但係工作仍然要繼續。原本諗住今日出去探兩個case，但係兩個都唔得閒，於是一對住唐樓0既姊妹、一個出家人、一個arm arm出院0既阿伯，同一個因中風而失語0既伯伯，就係我今日要探0既case。
唔好睇我好似探0左好多case，其實除0左出院果個伯伯外，其他每個都係傾0左半個鐘頭，仲要只係流於好表面，因為我0地0既client好多都只係面對健康上0既問題，呢d問題主要係搵PT、OT或者Nurse去解決，真係有social problem或者social needs 0既唔多，所以只係循例上去望0下，跟住返center簡單寫個report，就搞掂。
雖然我都好想傾耐d，但無奈發覺自己真係搵唔到話題入手，可能關係未建立得到，大家都講唔到0野啦！所以今日工作上都算係幾frustrate。
公事講完，私事。
一樣係幾frustrate。
收收埋埋好多好多心事，唔知點講。雖然係好有衝動同人講0野，但係唔想開口埋口都係講自己唔開心0既0野，同埋心情成日唔好，都唔係太想見人。開心0既0野呢……唔……呢排好似冇乜，雖然下個月安排到假期，但係去唔到旅行，因為太貴啦。
結果今日返到center，Shirley已經話我好似黑口黑面唔係太開心，唔係好敢惹我。求其話自己行0左好多路、好累同隻腳好痛推搪0左去，但係實情，就係因為自己情緒不受控制地起起伏伏。好想就咁隨心隨意up and down，但係對工作真係有影響，想收拾心情咩？又唔係一時三刻可以做得到。
所以呢輪，真係打多0左好多日記，差唔多日日都有一篇update。不過唔打日記，返到屋企又有咩好做0丫……連「卡巴拉島」都玩到悶0既而家，我放0左工都唔係好想即刻返屋企……起身時唔想返center，放工時唔想返屋企，想點……
呢幾日都晌度聽一隻歌：林曉培《緩慢》
「忘記你說你會繼續 還是要結束
分開時只管哭 我是否太迷糊 你是否仍在乎
等的太久不想繼續 也不願結束
分開時我走出 最遙遠的旅途 最緩慢的腳步」
文章定位：
