29-06-05
尋日講開拍賣場有d好q麻煩好q谷氣0既case，今日拎兩個出0黎講0下。
CASE 1
arm arm上拍賣場0既時候，我一心諗住賣晒d AMY雜誌，騰空個書架出0黎放d模型，所以d底價都係亂咁出。有三本AMY係twins封面0既，$10，好快就俾人bid 0左啦，但係就久日唔聯絡0窩。好啦到我話唔聯絡就取消0既時候，個買家先打電話0黎，話一定要夜晚七點至九點晌九龍灣！我講到明我晌屯門住晌葵涌返工，果段時間地點根本係冇可能，而且我亦唔會為0左$10貨仔晒心機去到咁遠，一係郵寄啦，佢又話驚寄失。好啦到我有一次要過將軍澳果邊，叫佢十點鐘出0黎交啦，佢又話咁夜爸爸唔俾出街！真係大X晒咁0窩！擾攘0左差唔多成個半月先完成到個交收，但係我已經差唔多俾佢煩死0左……
CASE 2
呢個case就好d，因為拍賣未完已經俾我black list 0左……
話說拍賣場有個問題欄，等買賣雙方可以就貨品作出提問同解答(不過通常都係講價0既多)，晌一個拍賣上，有個不知所謂人作出以下提問：
賣家：「$15兩本？」
我：「yes」(心諗：寫到明啦)
賣家：「寶琳站交收ok？」
我：「最多黃大仙站，唔係我就要俾兩程車費」
賣家：「$10兩本ok？」
我：「no」(心諗：買返0黎都要$35啦)
賣家：「會唔會係妳個價定得太高呀？而且兩本書都係二手0既」
我(已經開始火滾)：「如果覺得價高你可以去第二個賣家度買；想要一手麻煩你自己去雜誌社補購」
賣家：「咁我去鴨寮街搵0下啦，果度只係賣$2本」
之後我都費事答佢，black list佢\算數。我發誓果兩本書就算dum落街我都唔會賣俾佢。
仲有好多不知所謂0既人，例如賣家晌拍賣寫住：「請勝出者兩日內以e-mail留下聯絡方法，否則予以劣評」，但係買家send 0左e-mail之後，到賣家自己兩個星期唔出現，之後仲要俾個劣評人；或者係收0左錢唔寄貨啦、要求賣家寄0左貨先俾錢啦……等等，真係豈有此理！
文章定位：
