25-08-06
一個TMD(注：解作「他媽的」)0既「未達放假標準的颱風」，將我同小晴0既假期搞到一塌糊塗……
話說早前少明都開0左唔少OT，所以諗住今日同小晴一齊放假出街，咁arm佢要出旺角幫佢個妹買書。雖然我返工經常都晌旺角活動，放假實在唔係好想出去，但係小晴有正經事做，冇辦法唔出去走一轉啦。
十二點先起身，「咪下麼下」成三點先出到去，行0左幾間書局都係搵唔到，因為幾本書都未出……九月開學啦0窩今日都仲未出……？不過書局d人咁講我0地都冇辦法，唯有諗0下有咩地方好去啦……
點知無端端勁落雨，我0地仲要冇帶遮，唯有穿地鐵站上去新世紀廣場行街，點知地鐵站超多人出入，雖然實施0左人流管制，但係仲有d盲毛晌入口逼出0黎，有個大陸女年師奶仲要鬧d人做咩逼入去……真係想頂佢個肺，自己唔守規矩仲要鬧人，真係想塞舊S入佢個口，俾佢感受一下咩係「出入口不分」。
上到新世紀廣場，又唔知有咩好行，唯有去睇戲啦。原本想睇「禍水」，但係十點幾先有得睇，唯有睇最近果場「加勒比海盜」，點知睇完出0黎，只有一個字：「噓」！我平時睇戲唔會上網寫評論，但係今次都真係忍唔住，晌yahoo寫0左一段：
1.巴船長次次遇險都係”走為上著”，全無戰鬥之心，更履次犧牲下屬及朋友，連女主角都要責之為”懦夫”，這樣的人如何當海盜？如何當船長？敗筆之一。
2.影片長而無當，尤其以流落食人島一段最可刪減，其餘枝節太多，令人有沉悶之感。敗筆之二。
3.血肉之軀、尋常刀劍竟能與一眾海上怪物周旋，過份誇張。敗筆之三。
總括言之，為看jonney deep者，入場可也。若對jonney deep沒興趣者，可省下戲票錢。
老實講，我睇0左咁多套戲，真係未試過有一套睇完之後會頭痛，仲要一路行一路鬧「晒錢」……雖然我知道咁講小晴會好傷心(因為係佢提議睇0既)，但係我都要寫出0黎，為免有更多朋友受害，因為從故事結尾同市面流傳，呢套戲係會有第三集……睇唔睇閣下自己決定……
文章定位：
