24h購物| | PChome| 登入
2005-08-18 01:59:31| 人氣31| 回應0 | 上一篇 | 下一篇

一個人睡

推薦 0 收藏 0 轉貼0 訂閱站台

13-08-05

今日唔駛返院，但係要出太子上一個馬會0既training，講關於「如何提供優質客戶服務」，因為馬會俾外圍搶0左30%生意，所以想用好0既服務取悅客人，個training仲用好多時間解釋客戶服務0既重要。不過我唔係好buy馬會呢一套。

第一，外圍搶馬會生意0既方法唔係服務好，而係九折收數、賠率高、仲可以用credit card賭錢，呢d都係馬會做唔到0既死穴，所以用好0既服務雖然係可以增加多d人，但唔代表會多0左人投注，正如一個患0左蛀牙，你只係俾止痛藥佢，佢的確係唔會再痛，但係唔代表佢隻牙會好返。

第二，馬會同其他服務唔同，雖說有外圍，但係外圍唔會無端端受一個三九唔識七0既人落注，如果唔係俾人「放蛇」點算？而且我就唔信外圍佬會收你凈係買十元八塊果d小數目，買得多又驚個莊走數，所以馬會其實都唔係輸得晒0架。

第三，自己晌前線做就知啦，好多時d人真係「受硬唔受軟」，你對佢粗粗魯魯，佢會覺得呢d先係同佢0地講0野0既style、係「豪」；客客氣氣佢0地唔慣之餘，仲會當你係鵪鶉。呢d客0既心態，就唔係日日坐晌冷氣房、翹埋雙腳齋「up」0既高層估計得到啦。

好啦，呻完(再呻樹葉都落埋)，講返正題先。今日0既正題係「一個人睡」，原因係今晚成間屋都係得返我一個人。明媽早前已經去0左日本名古屋旅行，小晴上0左大陸同佢婆婆擺大壽，小琳妹子去0左唱K，所以晌個training完0左之後，我一個人晌旺角行街、買模型、食飯，同返屋企。晌屋企訓覺果時，我有一種好似返0左院訓0既感覺，反正成晚都係一個人嘛。以前我好enjoy咁樣一個人去行街、睇0野、買0野，只要有個MD機陪住我就可以；但係而家好想成日都有人陪住，唔想自己一個人，唔通人越大就越難忍受孤獨0既？

我要檢舉
台長： 少明哥哥

您可能對以下文章有興趣

人氣(31) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文