05-07-06
尋日講過我去interview之後，決定留返晌現時0既center，原因之一當然係俾220個case嚇親，另外最重要0既原因，就正如我0既十年兄弟輝爺所講：「返工人事關係重要，人事復雜0既話，俾你賺多多錢做0野好輕鬆，你都係唔會想返工。」同意！而家呢team同事夾慣夾熟，而且返工真係好開心。
首先，我自問係一個表演慾好強0既人，所以我需要draw人0既attention，加上鍾意話事，而家呢team得一個社工(正是本人在下小弟)，仲要有一定程度0既話事權，正是我發揮所長同取得滿足0既好機會。
另外我地team 0既同事都好齊心，雖然間中有一兩個係唔聽話0既，但整體上佢0地都好為老人家著想，而且識分輕重，知道咩時候係玩、咩時候係認真工作。之前晌老人中心都會同同事出去食飯，但都只係俾面派對，自己唔想去之餘根本就唔開心，但係而家多0左好似阿輝、阿文等玩得0既同事，有佢0地做康樂組，工餘時間都開心好多。
Raymond同阿曉，係我一對好有趣0既拍檔，同佢0地講公事0既時候，佢0地會好認真咁討論，但係唔認真0既時後，佢兩個可以天南地北咩都傾，話題更會有少少18禁0既味道，為煩悶0既工作添上「色彩」(至於係咩色呢，就由你自己諗啦~~)。
Kamen同Shirley兩位，當然亦係莊諧並重0既女同事，但係佢0地比男同事多一份細心，好難想像晌工作崗位上可以搵到人同自己傾私人0既心事，晌麥主任過身之後，亦係佢兩位晌工作上俾0左好多支持我。
其餘包括阿鋒、Sara、阿彩、阿萍、阿碧、阿鳳、阿賢、阿影、Peter等，都好肯搏肯做，就算要佢0地OT或者加job，佢0地都唔會有好大怨言，平時又唔會聽見佢0地私底下有咩拗撬或者係唔妥，可能因為咁工作就更順利啦！
當然仲有新接手0既Ann主任啦，Ann主任麥主任0黎之前都曾經晌我0地team工作過，所以明白日常運作，加上佢真係做到「用人不疑」，所以我0地team每個同事都能夠放手去做我0地想做0既0野。
你話，有咁好0既同事、有咁好0既team、有咁好0既發展機會，我仲駛咩走去第二度？
文章定位：
