24h購物| | PChome| 登入
2005-12-08 20:02:15| 人氣52| 回應0 | 上一篇 | 下一篇

舊生會

推薦 0 收藏 0 轉貼0 訂閱站台

02-12-05

晨咁早走0左出旺角做second in。証明筆試真係唔係太重要。Second in完都係十點半，「0拿0拿聲」返屋企放低晒d重要文件先。

今晚約0左社工同學食飯，約埋晌附近放工０既芬女一齊出去。原本約0左八點晌尖沙嘴等，但係我記錯0左七點，結果早0左成個鐘出到去。橫掂仲早，晌附近買少少0野食。芬女話佢好耐冇買過街邊檔0既魚蛋，因為驚俾d學生0既家長見到。

今晚竟然一反傳統，大家好準時就到0左(平時遲到甚至唔到先係正常)。上星期六先見過小kit同小蘋果，今日佢兩個個髮型已經唔同0左。果真係「女大十八變」。

食飯0既時候仍然係成檯人嘈喧巴閉，不過呢d先係我0地0既本色，以前上堂試過嘈到俾第二組0既人傳張紙仔過0黎，叫我0地唔好再玩；我諗今晚酒樓有唔少人都想寫張紙仔傳過0黎。好彩今晚係去酒樓，唔係都幾難容納到我0地呢班嘩鬼。

今晚其實只係一個前奏，戲肉係月尾0既「南Y島之行」，相信到時呢個小島都幾難維持到佢0既寧靜囉！

唔知大家記唔記得，早前我見0左一份工筆試題目係「香港社會福利正面對什麼挑戰」同「長者鄰舍中心有什麼服務可以擴充」，原來我有個同班同學晌進行面試0既center返工，但係果日佢出0左去開會，所以見唔到。唔知有佢美言幾句，會唔會對入職有幫助呢？

p.s.圖中果個人係唔係有d似我呢？唔係我0黎0架！係一個路人，但係d衣著同我一模一樣。當日就有人慘遭暗算，以為呢個係我……

我要檢舉
台長： 少明哥哥

您可能對以下文章有興趣

人氣(52) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文