01-03-06
難得離開center，去第二間center做0野，心情難免會好興奮─唔係我唔鍾意晌自己0既center做0野，但係「作客」0既心情，同晌自己center做0野0既心情係好唔同0既；加上離開center就可以準時五點鐘收工，就梗係更加想出去。
準時五點離開人0地0既center，仲要打電話同小晴晒命：「我收工啦~~妳慢慢做啦~~呵呵呵呵~~」(小晴六點返工、收十二點)換來小晴0既哀號：「我唔想返工呀~~」點知收線冇耐，中心主任打0左一個我唔應該聽0既電話0黎：「少明呀，原來上個月十七號，社署send 0左個e-mail 0黎，要我0地做一個report呀！個report星期五要交啦……我今日睇到個reminder先知呀……之前可能check e-mail 0既同事check漏0左個e-mail啦……」
少明：「咁點呀主任？」
主任：「係囉，咁點呀？」
少明：「……咁我返0黎啦……我好快返到0黎0架啦，而家晌旺角……」
六點鐘返到center，正好係所有同事放工0既時間，佢0地都用疑惑0既眼神發問同一個問題：「你唔係走0左0架啦咩？」「係呀，但係返0黎做0野囉。」
晌我同主任一路工作，一路以言語發洩對社署0既怨氣下，份report終於晌十點完成，send 0左俾經理，而經理訓示(佢居然未收工！)0左一輪後，十點半center個大閘終於可以落下。主任問：「我見到以前center d 社工同事都係做到好夜，你會唔會覺得好辛苦、好唔值得呢？」少明答曰：「入得呢行，都預0左『收入與付出不成正比』，所以我都奉勸我0既師弟師妹，想搵錢就唔好入呢行啦……」仲要而家社署勁輕視EHCCS 0既社工，所有工作例如counseling、小組，都唔計入working hours，於是我0既OT冇得補鐘、更努力工作都幫唔到同事追quota。陳經理都講過：「當初社署諗住搞EHCCS，都唔諗住有社工駐紮0架。」可見呢行前景幾灰，好彩team members都treat我係一個significant key worker，唔係好似馬會咁將我投閒置散，想有工作熱誠都幾難。
文章定位：
