24h購物| | PChome| 登入
2005-10-26 00:48:30| 人氣38| 回應0 | 上一篇 | 下一篇

完美的一天

推薦 0 收藏 0 轉貼0 訂閱站台

25-10-05

等0左好耐，終於等到我同小晴一齊free啦！在充足0既睡眠、同飲飽食醉之後，我同小晴就踏上0左我0地0既探險旅程，今次0既目的地係牛頭角下村，目標係九座九號一間玩具鋪，因為有個網介紹過，呢間鋪賣0既模型好平，所以0黎睇0下有冇好0野。

明媽以前住0既慈雲山村，所以我成日都晌慈雲山村活動。而家慈雲山d樓拆晒，所以去到牛頭角下村，勾起0左我好多小時候0既回憶，因為牛頭角下村同慈雲山村差唔多樣。好快就搵到傳說中0既玩具鋪，但係有d失望，雖然模型係平，但唔係我玩開0既BB戰士，所以，都係空手而回。

跟住去0左淘大花園，都係打0左個白鴿轉0既0者，因為同我屋企樓下個商場冇咩分別。之後去0左德福廣場，果度好大好多0野行，不過我0地睇完戲，d鋪頭都開始閂門，所以搭車返碼頭吹0左陣海風，就返0左屋企lu。

今日睇0既係《再說一次我愛你》，個故仔好感動，睇到我都差d喊(雖然有d似十年前個廣播劇《我心不死》)，我隔離位個男仔直頭係喊0左出0黎，劉華同采妮都好好戲，但係阿Sa就差少少啦。不過算啦，我都冇諗過佢會好戲0既。我最欣賞一場戲，係劉華同阿Sa一齊坐晌病房外面望住個病房，用唔同時空0既活動，去表現兩個想見一個人但見唔到0既同一種心情，呢種表達方式有時晌舞台劇都有用到。

小晴都話呢套戲好睇，但係時空交錯有d唔明，可能我平時睇開小說，甚至寫小說都成日用插敘啦，所以我唔覺得難明，而且覺得交錯點做得幾好tim。

我要檢舉
台長： 少明哥哥

您可能對以下文章有興趣

人氣(38) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文