11-05-05(今日呢則個topic，應該咁讀：龍爭‧虎(苦)鬥)
記得以前0既日記中，我話過我想搵兩隻模型：「二代目頑駄無大將軍」同「龍頑駄無」，「二代目」我晌朋友0既提示下買0左仲砌埋啦，但係「龍頑駄無」我搵0左好多地方：屯門、元朗、荃灣、葵涌、旺角、灣仔、銅鑼灣，都冇。
最近晌網上面，有人拍賣「龍頑駄無」，底價$55，我出到$80，但係而家最新叫價係$120(出價0既人叫killua05152003)，我好想買0左佢，因為唔知幾時先會再見到，但係咁出價法都唔知要bid到幾錢。今日聽到個仲激死0既消息：話說去到一間模型店，我話我想搵「龍頑駄無」，店長話「先果排都仲有，但係而家賣晒啦，遲d可能會復刻(再造一批新貨)0既，但係唔敢答你。」(「咁即係要等0既耐呀？」)「兩年到啦……通常兩年復刻一次0既，前一輪先復刻完之嘛，又賣晒啦……」兩年？！到時我都唔玩BB戰士囉，隨時改玩BB都似(我同小晴個BB……)
其實我真係唔係好鍾意同人爭，小強妹子就曾經話過我：「唔同人爭 + 隨遇而安 = 你不如返鄉下耕田」，所以要同人對打0既game我一定係好冇興趣(小晴見過我同人玩對打game，我果個冇心機0既死樣真係呢……)，但係今次，我好想同呢個killua05152003鬥一鋪，因為我真係好想快d要埋呢隻「龍頑駄無」，儲齊晒成set之後就可以鳴金收兵(唔再買啦)，但係又怕鬥完抬到個價高晒之後，又有復刻搞到自己白白損失一大筆錢(因為我預0左鬥bid係會抬到好高價0既)，又怕今次唔bid以後唔知等幾耐先再見到「龍頑駄無」，搞到而家都唔知點算好……
忽然覺得自己好似陷入0左個double blind入面，買又煩唔買又煩……嗚嗚嗚~~~
大家認住相入面呢隻「龍頑駄無」，佢0既全名係「高達BB戰士 NO83 天下統一編 龍頑馱無 」，如果你見到佢而你又可以0既，幫我買0左佢先啦……
文章定位：
