24h購物| | PChome| 登入
2005-05-14 02:44:23| 人氣50| 回應0 | 上一篇 | 下一篇

懷念你

推薦 0 收藏 0 轉貼0 訂閱站台

10-05-05

媽媽話俾我知，爺爺過0左身。冇咩特別感覺，畢竟爺爺都九十幾歲，我0地又唔係成日見，所以感情唔係好深。難過梗係會有，主要係因為覺得自己都算幾不孝，爺爺入0左老人院咁耐，都冇去睇過佢。

上次諗過同小晴去探爺爺，但係話爺爺入0左醫院；過0左幾日去醫院啦，又話爺爺已經出0左院啦，之後日日都要返工，直至聽到媽媽話爺爺過0左身，媽媽仲話，爺爺已經入0左去成個幾禮拜，但係唔記得同我講。

其實爺爺身體唔好，已經唔係近一兩年0既事。八年前嫲嫲過身之後，佢0既身體就一路咁差，過時每年新年我0地都會見，但係佢都唔認得我同小琳妹子，就連我爸爸都唔認得，後來仲斷定佢患0左老人痴呆症。捱0左咁耐，佢都累0架啦……

好果方面諗，爺爺九十幾歲，都算係長壽啦，而且佢都等到四代同堂(我堂家姐同表姐都生0左細路)，希望佢冇咩遺憾，可以安安樂樂咁去見嫲嫲啦。

(其實做0左安老院呢一段日子，見過有人入、有人出、有人死，心理上，都有d睇化0左：人，年紀大0左，都係避免唔到呢一日，死者已矣，努力孝順僅存0既直系長輩，好過成日鬱鬱不歡。爺爺，安息啦，希望您早日到天父0既國，可以再見到嫲嫲啦！)

(p.s.說來慚愧，我竟然晌呢二十六年，都未同爺爺、嫲嫲、公公、婆婆四個祖父母影過一張相……)

我要檢舉
台長： 少明哥哥

您可能對以下文章有興趣

人氣(50) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文