大頭ｂ的私人日記 希望尼個新聞台可以好好咁記錄低我ｇｅ心路歷情

34愛的鼓勵 0訂閱站台

曾經有朋友話過我,乖又唔係乖,壞又唔係壞

我話咁樣唔好咩,　中庸丫嘛

可惜,現實真係好難做到

本來諗住可以保護到對方,令對方唔受咁多傷害

想辦法令傷害減低

但係,原來真係無得咁

我唔介意人地點睇我,因為真正認識我了解我GE朋友,佢地自然知道我係咩人

我唔係話要做咩大好人,要人地覺得我點好點好,我只不過係唔想做到咁殘忍

我唔同你交代全部,我唔想你受咁多傷,唔想對你咁殘忍

但係技然你想,我只好真真正正咁去做衰人

我無話你迫我,我無話你朋友迫我

因為唔係迫緊我,不過如果我係你身邊GE朋友

我唔會咁樣做,我會叫你堅強面對

而唔係終日愁眉苦臉,想日諗埋晒D唔係現實GE野

同埋我都好希望你可以係過程學習到經驗

希望你下一段感情,會美好,可以做到互相體諒,互相支持

我唔會講D咩,我都自認我唔係一個好男人,我認我係衰人,甚至我認我係賤人

所以希望你可以放返D時間去學業或者下一段感情,而唔好浪費時間係我尼D唔值得你留戀GE人GE身上

最後同你講對唔住