大頭ｂ的私人日記 希望尼個新聞台可以好好咁記錄低我ｇｅ心路歷情

34愛的鼓勵 0訂閱站台

岩岩我又同我細佬嘈起上黎

唔係無聊戈d嘈

係因為我真係忍佢唔住,佢對阿媽對屋企人ge態度

越黎越差

我終于忍唔住走去話佢

講講下,我打左佢一拳係手到,當然仲係鍚住佢黎打

再講,佢真係句句頂行晒

我好辛苦咁忍住自己唔可以俾我再發火

講左好多好多,我平時對佢ge好,佢竟然話唔希罕

佢又話佢自己點辛苦點辛苦,又話好想死,又話我唔明佢我都未試過

講真,我自己都係戈條路過黎,我點會唔知丫,我都係過來人

我自認我都算係一個堅強人,我基本上唔會喊,可能連失戀都唔會

但係每當我講起我阿爸阿媽戈時,我真係忍唔住,d淚水自己好似缺堤咁爆出黎

我同佢講叫佢,就算唔當我係阿哥都好,真係希望佢地對阿媽阿爸好d

我都想尼個家好d,我都唔想有咁多爭吵

有好多野都係我自己啞忍咋,細佬

點解你唔可以體諒下我尼個做阿哥架

我只係想你好d,你對屋企人態度好d,我都唔係要求你高分

我只係想你升班,你升班你想要咩我都俾你,再另俾錢你

點解你都唔可以努力d,錢戈d有咩所謂,可以賺過,你ge時間無左就係無左

我以前都無咁好ge野,你有點解你唔好好地咁去珍惜呀

我真係好傷心