本身打好晒篇野～點知突然冇晒～激死我～
又要重新打過～真係好嬲～打左成蚊鐘既野冇晒！！！！！
呢個幾月冇打日記～唔係因為我忙～係因為我賴ｊｅ～
我就由７月５號開始講起～５號我去左學校交學費～
因為我要繼續讀書就要俾學費～成萬四蚊～我當然俾唔起咁多啦～
咁咪問左麻麻借囉～麻麻借左一萬俾我～
之後交完學費我就去左返工～之後個幾日我都有同麻麻食飯～
點知我阿嫂就係到講三講四～話我因為咁先對麻麻好～又話我係度扮ｆｄ～
對老人家好唔係應該架咩～一家人點解咁講我～真係好憎佢～
想諗佢有ｄ好野都唔得既～
６號返工，７號大中飲茶，８號去左返工之後係ＩＦＣ睇戲～
９號行葵涌廣場又一城～１０號係將軍澳行街～
１１號屋企吽～１２號行ＡＰＭ～１３號吽～
１４號返足全日工～１５號行朗豪坊～１６號睇神奇四俠～
１７號大中～
１８號約左班ＩＶＥ同學唱Ｋ～點知又個個遲大到～明知會遲又唔同人講聲～
要人係度白等～真係次次都係咁～約親都唔準時～激死～
之後就成班人去左拎成績表～拎左之後同文行旺角～
點知搭開巴士個條街封路～搞到冇車搭～文又約左人踢波遲到～
咁我送左佢去搭車之後我就自己行街～買左好多護膚品～成３００蚊～
之後買完就自己搭車返大埔～原來自己一個行街買野會好空虛～
好寂寞～唔開心～唔鐘意咁樣～
１９號返左大陸按摩同食飯～
２０號一早去左學校拎獎～我拎左個努力上進獎～哈～
不過早知可以唔返去拎我就唔返啦～著住套校服熱到傻啊～
之後返到屋企就換衫出去同珍姨飲茶～我同德文係大中玩波波池～
我都未試過成１９歲仲玩呢樣野～原來真係好累～
２１，２２，２３號係屋企吽～
２４號同ＬＵＩ行大中～
２５號同楚ＬＵＩ去街～係大中食完野就出沙田～
其實我覺得個日我好乞人憎～同佢地講野好似係度晒命咁．．ＳＯＲＲＹ～我冇心架～只係想有Ｄ野講搵話題咋～
之後同文去左尖咀買酒店船飛～之後就返屋企喇～
２６號同文買旅行用品～
２７－２８號去左澳門玩～第一日就去左大三巴個Ｄ旅遊勝地影相～買下手信咁啦～
第二日就去左旅遊塔～有人好搞笑～竟然驚喎．哈～
食ＢＵＦＦＥＴ仲有朱古力噴泉玩～好開心啊～
之後都係去買手信啦～到７點就搭船返香港ＬＵ～
整體上都好好玩既～係曬到個人好冇ＭＯＯＤ囉．．同埋兩個人去始終都悶囉．．
２９號大中飲茶～３０號行德福～３１號行大中上水～＜－ＷＩＴＨ 文～
８月１上左文屋企食晚飯啦～
２號原先同ＣＴ食晚飯架～點知臨時取消～咁我就搵左霞姐陪我食飯～
我地好耐冇見～但一見就傾到唔識停喇～食完飯係吉之島行街買褲～
之後仲係我屋企對面平台飲酒傾計～我成日都話覺得我男朋友好好～
但仲係爭Ｄ野咁～但我就唔知爭Ｄ咩～
個晚同霞姐傾完計之後我終於搵到喇～
原來係爭Ｄ浪漫～因為文一向都係好實際既人～而我既性格就鐘意浪漫～幻想～
所以成日都唔覺得佢唔夠～我知道人冇完美既～唔應該要求咁多野～
好．．努力改下啦．．
至於霞姐～我知佢係唔開心～但我知我做唔到Ｄ咩改變幫到佢～
但我會祝福佢，希望佢好好努力～勇敢面對～我支持你架！！
３號我一早就起身去左同文打羽毛球～
之後等我屋企人訓醒就買野俾佢地食，之後晏Ｄ就去左飲茶～
之後文就係我屋企同我一齊吽～其實我真係有Ｄ唔好意思～
成日都對自己男朋友咁差～我成日都想對佢溫柔Ｄ～
點知做出黎往往都相反～都唔知點解呀．．唔好意思啊～
４號我就係屋企執野～
５－７號我跟左ＭＩＭＭＹ去左浸會園福音ＣＡＭＰ～
我第一次去福音ＣＡＭＰ～冇我想像中咁悶～係某Ｄ時間悶Ｄ ＪＥ～
整體上都好正～特別係玩ＧＡＭＥ個陣～成班人一齊玩到好ＨＩＧＨ好好ＦＥＥＬ～
好似ＢＡＮＤ ＳＨＯＷ咁～成班人係台前又唱又跳～好正～
之後第二日又成班人一齊搭住又跑又唱～正～
當我受傷個陣，個個都好關心我～當我喊出黎講Ｄ唔開心既野時候～又個個都鼓勵我，朱紅仲成晚陪我傾計傾到成４、５點～感動呢～
不過呢幾日最令我炆既就係同房個班女仔～真係好討厭～
如果唔係俾面我朋友，我真係會鬧佢地，跟本唔識咩叫尊重人～
就佢讓佢就愈過份～成日單單打打～真係好乞人憎～希望佢地會改善啦～
呢個福音ＣＡＭＰ令我更認識神～
但我始終仲未有信心去決志～ＳＯＲＲＹ～
或者要等到我做到令神滿意既人先去決志會好Ｄ啦～不過點都好～
多謝ＭＩＭＭＹ帶我識到一班朋友，更深認識神～！
８號我醒左就俾老豆叫去飲茶～咁我原先係唔想去，點知阿媽又係咁叫～咁好啦，我去囉，之後點知佢地去錯左酒樓～
黎到佢地兩個就心情唔好～我係佢地未黎之前就點左平時食開既點心～
點知今日阿媽就係咁話我～話我晒錢～又話今時唔同往日，成餐茶都黑晒口面，搞到我同麻麻食都食得唔安落～之後食完就同文出沙田行街買野，我買左件米老鼠衫，因為買去迪士尼著架，我好可能可以係迪士尼未開之前入去玩同住一晚酒店，因為我個朋友係入面做，可以帶朋友去免費玩同住～好開心呢！ＹＥＡＨ～～～
呢段時間唔知自己算唔算浪費定有意義～
但我會積極我既將來～要做到豐盛人生～^^～ＹＥＡＨ！！
我要學識減少恨～學會愛～！
【只有恨 是會更加寂寞
必需要 拋開積怨的驅殼
於世上 誰人從無幻覺
犯錯 走進死角
不再問 是那方的錯誤
只知道 彼此都也覺辛苦
請放下 遺忘重重事故 嘗試減輕痛苦
*能再看清楚他兩眼睛
能記憶起當天的高興
能原諒他幹過每件壞事情
這種愛 才是真感性
能設想他的感覺處境
能徹底張開心窩傾聽
能原諒不再記掛舊日事情
這種愛贏得致敬 (舉世的尊敬)】
文章定位：
