～好耐冇打日記喇～＠～～儀的新聞台～～

2005-07-04 00:30:33| 人氣27| 回應0 | 上一篇 | 下一篇

～好耐冇打日記喇～

推薦 0 收藏 0 轉貼0 訂閱站台

真係好幾個月冇打日記喇,
呢幾個月真係好忙....

因為4月18號我就去左日航酒店實習..
係2個月既時間裡面,我真係所有時間都俾晒日航咯,
因為日日都要落場,所以都差唔多12小時都係尖東..
搞到係屋企既時間都冇乜..就算放假都寧願係屋企抖抖...
因為真係好累呢..係日航我識左好多人..
不過老實講..係日航樓面既感覺都係麻麻地..
一般咁啦…冇乜特別好壞同驚喜囉....
反而係廚房d師傅好錫我,,,對我好好..我就好開心喇...
好快就過左兩個月既實習...一完左我就要趕功課...
因為要盡快好就份實習報告....抖左一日就去炒散..
係會展炒..始終會展俾我既感覺都係好d..做都做得開心d...
所以我幾乎日日都去左炒散..賺好多錢既算..
點知好快就要用晒咯,因為要買禮物.,..日常既開支..
最慘既係要交新一年既學費喇....成一萬二千七...
簡直殺左我....仲諗住呢個暑假搵錢去旅行同讀書...
又要重新賺過.....好慘呢.>_<

係6月24號係我男朋友文既生日,原先諗住係個日同佢訂婚架..點知佢一d誠意都冇..激死我…所以最終都冇訂到....
起初佢冇啦啦有一日同我講訂婚..我以為佢玩下啦....
點知佢話認真...咁我當時就又驚又喜啦,仲煩惱緊應唔應承好添..
之後行行下街又買左隻鑽石介子..諗住一切都順利認真..
點知到佢生日個日又好似冇左件事咁,算啦.....
咁唯有將件事遲下先算啦....

而家放緊暑假..我好想搵返d朋友出黎見下..吹下水..
好掛住d朋友仔啊..真係好耐冇見過大家喇...
唔知大家有冇掛住我呢.哈...
呢個暑假我想做好多野.我想賺定d錢讀書...
去旅行..去camp.去讀好d英文...
好..下次得閒再打返個月記啦......

p.s 張相係我係日航影架...

我要檢舉

台長：～ＹＥＥ～

人氣(27) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

回應(0)